32.9 C
Dushanbe

Имсол ба Тоҷикистон як миллион сайёҳ ворид шуд

Тоҷикистон дар панҷ соли ахир мизбони наздик ба чор миллион сайёҳони кишварҳои хориҷӣ, аз ҷумла сайёҳони рус будааст.

Имрӯз, 23-уми декабри соли 2022 Эмомалӣ Раҳмон дар Паёми солонаш ба парлумон гуфт, ки Тоҷикистон танҳо дар соли 2022 мизбони беш аз як миллион сайёҳони хориҷӣ будааст.

Ба қавли ӯ,  “дар панҷ соли охир ба кишвари мо беш аз 3,9 миллион нафар, аз ҷумла соли 2022-юм 1 миллион нафар сайёҳон ворид гардидаанд.”

Агар аз як сӯ бештар шудани теъдодни сайёҳони хориҷӣ дар Тоҷикистон ба сабаби ҷорӣ кардани “иқдоми яктарафаи воридшавии бидуни раводид” ба 52 кишвари хориҷӣ ва пешниҳоди раводиди Тоҷикистон “бо тартиби соддакардашуда” барои 126 давлати дигар бошад, аз сӯи дигар, оғози ҳамлаҳои Русия ба Украина низ яке аз омилҳои зиёд шудани сайҳони рус аст.

Бахше аз сайёҳони хориҷӣ барои шикор дар кӯҳистони Тоҷикистон, аз он ҷумла шикори бузи кӯҳӣ ба Вилояти Мухтори Кӯҳистон Бадахшон сафар мекунанд ва чун шикори ин навъи ҳайвонот пулакӣ аст, Тоҷикистон ҳам аз ин ҳисоб хеле фоидаи хуб ба даст меорад.

Пас аз оғози ҳамлаҳои Русия ба Украина, ки аз 24-уми феврали соли ҷорӣ шуруъ шуд, ҳамагуна рафту омад ба Русия ва аз Русия ба кишварҳои аврупоӣ ва амрикоӣ маҳдуд карда шуд. Ба ҳамин хотир, теъдоди зиёде аз шаҳрвандони Русия барои сайёҳат ва хушгузаронии рӯзҳои рухсатӣ озими кишварҳои Осиёи Марказӣ, аз ҷумла Тоҷикистон ва Узбекистон гардиданд.

Гуфта мешавад, бо вуҷуди он ки фарҳанги Тоҷикистонгардӣ дар байни сокинони кишвар ҳанӯз ба таври бояду шояд шакл нагирифтааст, аммо дар ин чанд соли ахир бо сабаби қаробатҳои фарҳангӣ, забонӣ ва милливу мазҳабӣ рафту омади дутарафаи сокинон байни кишварҳои ҳамсоя, аз ҷумла Узбекистону Афғонистон ва Эрон то ҷое ривоҷ пайдо кардааст.

Инчунин тибқи оморҳои расмӣ беш аз нисфи дигари сайёҳони хориҷӣ дар Тоҷикистонро имсол шаҳрвандони кишварҳои Иттиҳоди давлатҳои мустақил ва қисме дигарро ҳам шаҳрвандони кишварҳои арабӣ, бахусус кишварҳои Халиҷи Форс ташкил медиҳанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.