27.9 C
Dushanbe

Тоҷикистон имсол маҳсулоти нафтиро бештар ворид кард

Тоҷикистон дар 9 моҳи аввали соли ҷорӣ назар ба ҳамин давраи соли гузашта 24,3% бештар маҳсулоти нафтӣ ворид карда, ки арзиши умумии онҳо наздик ба 500 миллон доллар мерасад.

Avesta.tj дар истинод ба Хадамоти гумруки Тоҷикистон хабар медиҳад, ки дар моҳҳои январ-сентябри соли ҷорӣ ба кишвар беш аз 558,5 ҳазор тонна маҳсулоти нафтӣ ба маблағи умумии беш аз 485,6 миллион доллар ворид шуда, нисбат ба ҳамин давраи соли гузашта 24,3% бештар ворид ва аз рӯи арзиш 1,7 баробар афзудааст.

Бино ба маълумоти Вазорати энергетика ва захираҳои оби кишвар, дар ин муддат дар ҷумҳурӣ ҳамагӣ 19,3 ҳазор тонна маҳсулоти нафтӣ истеҳсол шудааст.

“Avesta” менависад, ки дар давоми 9 моҳи соли 2022 дар Тоҷикистон ба маблағи бештар аз 7,4 миллиард сомонӣ (беш аз $749 млн) маҳсулоти нафтӣ фурӯхта шудааст.

Тоҷикистон бештар маҳсулоти нафтиро, аз ҷумла бензин, сӯзишвории дизелӣ ва гази моеъро асосан аз Русия ва Қазоқистон ворид мекунад.

Гуфтанист, дар Тоҷикистон беш аз 20 воридкунандаи сӯзишворӣ сабти ном шудааст. Яке аз воридкунандаҳои асосӣ ширкати “Газпроми Тоҷикистон”-у ширкатҳои фаръии он бо номҳои мухталиф сабти ном шудаанд ва воридкунанда ва фурӯшандаи аслии дигари сӯзишворӣ дар кишвар ширкати “Фароз” мебошад, ки ба Шамсулло Соҳибов домоди Эмомамалӣ Раҳмонов тааллуқ дорад.

Бо вуҷуди зиёд ворид гаштани маҳсулоти сӯзишвории нафтӣ, он ҳамоно гаронтар аз қабл боқӣ монд ва сол то сол нархи ин навъи маҳсулоти муҳим боло меравад.

Коршиносон сабаби аслии гароншавии нархи сӯзишвориро дар инҳисор шудани ин бозор аз ҷониби шахсони наздик ба шахси аввали кишвар ва аз хориҷ ворид шудани он рабт медиҳанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Қазоқистон беш аз 310 ҳазор қурбонии сиёсиро сафед кард

Қазиқистон ҳам мисли хеле дигар аз кишварҳои собиқ Иттиҳоди Ҷамоҳири Шӯравӣ қурбониёни сиёсии даврони столниашро сафед кард, Тоҷикистон чӣ?

HRW дар нома ба Байден аз нақзи ҳуқуқи башар дар кишварҳои Осиёи Марказӣ гуфт

Дидбони Ҳуқуқи Башар (HRW) бо нашри изҳороте аз Ҷо...

Таҳдид зиндон барои навиштани “Ҷумъа муборак” дар Тоҷикистон

Мақомоти Тоҷикистон аз ин ба баъд ирсоли паёмаки "Ҷумъа муборак"-ро дар Тоҷикистон ҷурм дониста, барои он то ҷарима ва ҳатто ҳабсро пешбинӣ кардаанд.

Сохти беш аз 100 дидбонгоҳи марзии ҷадид

Толибон дар марз байни Афғонистон ва кишварҳои ҳамсояи он зиёда аз 100 дидбонгоҳи марзии нав сохтанд.