14.9 C
Dushanbe

Тоҷикистон ноозодтарин кишвари ҷаҳон дониста шуд

Тибқи гузориши нави созмони Freedom House (Хонаи озодӣ)? Тоҷикистон аз нигоҳи риояи ҳуқуқи сиёсӣ ва озодҳои шаҳрвандӣ аз 100 хол 7 хол гирифт.

Ин созмони ҷаҳонии ҳуқуқӣ, ки 9-уми марти соли ҷорӣ гузориши навашро нашр кард, бо дарназардошти риоя нашудани ҳуқуқу озодиҳои шаҳрвандон Тоҷикистонро нозодтарин кишвари дунё хондааст.

Тоҷикистон дар гузориши имсола нисбат ба соли 2022 як зина поёнтар рафтааст. Хонаи озодӣ соли гузашта Тоҷикистонро барои риоя нашудани ҳуқуқу озодиҳои шаҳрвандон 8 хол дода буд.

Дар гузориш гуфта мешуд, ки “режими худкомаи раисиҷумҳур Эмомалӣ Раҳмон, ки аз соли 1992 ба ин сӯ дар ин кишвар ҳукмронӣ мекунад, ҳуқуқҳои сиёсӣ ва озодиҳои шаҳрвандиро шадидан маҳдуд мекунад. Давоми солҳои ахир мухолифони сиёсӣ бардавом саркӯбу нобуд карда шуданд.”

Хонаи озодӣ ҳамчунин дар гузоришаш ба вазъи расонаву озодии баён ва дигар поймолкуниҳои озодиҳои шаҳрвандон дар Тоҷикистон ишора карда мегӯяд: “Ҳукумат аз болои озодии баён ва фаъолияти мазҳабӣ назорати қатъӣ мебарад. Сарват ва ҳокимият торафт бештар дар дасти Президент ва оилаи ӯ мутамарказ мешавад.”

Ҳукумати Тоҷикистон соли 2022 бо як амалиёти махсус чанде аз фаъолон, рӯзноманигорон ва блогеронро боздошт карда, онҳоро барои солҳои тӯлонӣ равонаи зиндон кард. Созмонҳои байналмилалии ҳуқуқи башар борҳо аз мақомоти кишвар хостанд, ки ба саркӯбҳояш нисбати шаҳрвандон ва рӯзноманигорон хотима диҳад, аммо ҳукумати Тоҷикистон торафт доираи озодӣ ва ҳуқуқҳои конистутсионии шаҳрвандонро боз ҳам маҳдудтар мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.