-2.1 C
Dushanbe

Тоҷикистон сиёсатмадорони қирғизро дар масъалаи марзӣ ба эҳтиёткорӣ давъват кард

Тоҷикистон аз сиёсатмадорони қирғиз даъват кард, ки дар изҳорот ва баёнияҳои худ дар бораи марзи Тоҷикистону Қирғизистон эҳтиёткор бошанд. Як чунин баёнияеро Вазорати корҳои хориҷии Тоҷикистон дар сомонаи расмии худ нашр кардааст.

Дар ин баёния омадааст, ки “Паҳн кардани иттилои носанҷида метавонад ба ноором шудани вазъ дар қаламравҳои наздисарҳадии ду давлати бародар мусоидат кунад”.

Ин баёния дар ҳоле садо медиҳад, ки чанде пеш баҳси шадид дар парлумони Қирғизистон баъди изҳорот дар бораи ба Тоҷикистон додани обанбори Торткӯл ба миён омада буд.

Сарвазири Қирғизистон Улуғбек Марипов як ҳафта пеш дар парлумони кишвараш гуфта буд, ки “афсӯс, мо саргаҳи наҳрро додем. Ман инро аниқ кардам. Инҷо масоили стратегӣ аст.”

Ин баёнияи Марипов дар ҷомеаи Қирғизистон баҳс барангехт. Норозиён дар назди бинои ҳукумати вилояти Бодканд низ тазоҳурот карданд.

Вакили мардумӣ, Тозабек Икромов, хостори нишасти фаврӣ шуд, то масъалаи стратегӣ мавриди баррасӣ қарор бигирад.

Вазорати корҳои хориҷии Тоҷикистон дар шарҳи изҳороти баъзе шахсиятҳои сиёсии Ҷумҳурии Қирғизистон дар бораи эҳтимолии интиқоли манбаи обанбори Торткӯл ба Тоҷикистон, гуфт, ки раванди делимитатсия ва демаркатсияи сарҳади давлатии Тоҷикистону Қирғизистон ҳанӯз ба итмом нарасидааст.

“Музокироти ҳайатҳои ҳукуматии Тоҷикистону Қирғизистон оид ба масоили марзӣ идома дорад. Дар ҳоли ҳозир, ҳеҷ гуна гуфтугӯе дар бораи интиқоли як қисмати баҳсбарангез ба тарафи дигар вуҷуд надорад”, омадаст дар баёнияи ВКХ Тоҷикистон.

Ҳамчунин рӯзи 8-уми феврал Назирбек Борубоев, намояндаи махсуси ҳукумати Қирғизистон дар масоили сарҳадӣ низ дар мусоҳибае бо расонаҳои дохилии ин кишвар гуфтааст, ки “Қаламрави обанбори Торткӯл ва наҳри он то ҳол мувофиқа нашудааст ва корҳо дар ин замина идома дорад.”

На тарафи Тоҷикистон ва на аз Қирғизистон дақиқ нагуфтаанд, ки ин чӣ наҳресту чӣ ном дорад ва аз куҷо мегузарад, аммо зоҳиран сухан дар бораи наҳри печидае меравад, ки аз дохили ноҳияи Исфара низ ҷорӣ мешавад.

Ёдовар мешавем, ки танишҳо байни сокинони минтақаҳои наздисарҳадии ин ду кишвар солҳост, ки идома дорад ва ин муноқишаҳо дар нуқтаҳои номуайянии марзҳо сар мезанад, ки то ҳол даҳҳо захмӣ ва кушта аз ду ҷониб ба ҷо гузоштааст.

Байни Тоҷикистон ва Қирғизистон 976 километр марзи муштарак вуҷуд дорад, ки аз ин шумор танҳо 504 километри он таъйин ва аломатгузорӣ шудааст. Боқӣ 472 километри дигари марзи давлатии миёни ду кишвар аломатгузорӣ нашуда номуайян боқӣ мондааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.