Тоҷикистону Кореяи Ҷанубӣ мехоҳанд дар соҳаи бозаргонӣ ва ошхонадорӣ ҳамкориҳои худро густариш диҳанд.
Имрӯз, 29-уми апрели соли 2022 Шараф Шерализода, муовини вазири корҳои хориҷии Ҷумҳурии Тоҷикистон бо Уоррен Юн, роҳбари ширкати “Genesis BBQ Group”-и Ҷумҳурии Корея дар шаҳри Душанбе мулоқот кард.
Ба гуфати сомонаи Вазорати корҳои хориҷии Тоҷииктсон “дар мулоқот ҷонибҳо масоили ба роҳ мондани ҳамкорӣ миёни Тоҷикистон ва ширкати “Genesis BBQ Group”-и Ҷумҳурии Корея мавриди баррасӣ қарор доданд ва доир ба дигар масъалаҳои мавриди эҳтимоли тарафайн табодули назар карданд.”
Ширкати “Genesis BBQ Group”-и Ҷумҳурии Корея як ширкати бозаргонисет, ки аксари фаъолиятҳои тиҷоратии худро дар бахши ошхонадорӣ, аз он ҷумла “таъомҳои тезтаёр” ба роҳ мондааст.
