24.9 C
Dushanbe

Толибон фаъолияти ҳизбу ҳаракатҳоро дар Афғонистон мамнуъ кард

Идораи истихбороти Толибон дар Афғонистон бо судури фармоне ҳар гуна фаъолияти сиёсии ҳизбу ҳаракатҳои мавҷударо дар ин кишвар қатъиян мамнуъ эълон кард.

Толибон мегӯяд, ҳоло дар Афғонистон низоми шариат ҷорӣ аст ва ба вуҷуди ҳизбу ҳаракатҳои исломӣ, ки мақсади онҳо низ паҳн кардани андешаҳо ва таъоимоти исломӣ аст, ниёзе нест.

Гуфта мешавад, идораи истихбороти Толибон ба тамоми волиёни вилоятҳои Афғонистон дастур дода, ки пеши роҳи ҳар гуна фаъолиятҳои сиёсиро бигиранд, аз ҷумла фаъолияти Ҳизби таҳрир, Ҷамъияти ислоҳи Афғонистон ва ниҳоди Наҷмро қатъ кунанд.

Дар фармони идораи истихбороти Толибон, ки матни он ба дасти “Independent” расида ва ин расона онро нашр кард, чунин омадааст:

“Чунин огоҳӣ дода мешавад, ки баъд аз торихи душанбе тибқи ҳидояти раҳбари Раёсати умумии истихбороти Иморати исломии Афғонистон, ҳар гуна фаъолиятҳои сиёсии аҳзоб ва ниҳодҳҳое монанди Ҳизб-ут-таҳрир, Ҷамъияти ислоҳ, ниҳоди Наҷм ва гурӯҳҳои такфирӣ мутлақан мамнуъ аст.”

Ҳамчунин истихбороти Толибон дар ин фармони худ таъкид мекунад, ки “феълан низоми шаръии Иморати исломӣ таҳти раҳбарии уламои ҳақпараст мавҷуд аст ва ниёз ба фаъолияти ҳеч ҳизбу ҷамоати дигаре нест.”

Гуфта мешавад, гарчанде дар фармони Толибон фаъолиятҳои сиёсӣ ба таври умум мамнуъ эълон шуда бошад ҳам, аммо ба вежа аз ин се ҳизбу ҷамъияте ном гирифта шудааст, ки бо вуҷуди омадани Толибон ба сари қудрат онҳо каму беш фаъолият мекарданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.