-1.1 C
Dushanbe

Толибон иддаъои Дабири кулли СММ-ро “нодуруст” хонд

Сухангӯи Толибон дар вокуниш ба иддаъои Дабири кулли Созмони Миллали Муттаҳид дар робита ба қатли беш аз 100 нафар аз кормандон ва низомиёни давлати пешини Афғонистон гуфтааст,

Забеҳуллоҳи Муҷоҳид, сухангӯи Толибон дар Афғонистон дар саҳфаи Тввитриаш изҳороти Дабири кулли Созмони Миллали Муттаҳидро нодуруст хонда, гуфтааст: “Маълумоти Сармуншии СММ, ки гӯё сад тан аз аъзои давлати пешин пас аз ҳокимияти Аморати исломӣ кушта шудаанд, дуруст нест.”

Муҷоҳид таъкид кардааст: ” Пас аз афви умумӣ ба ҳеч касе иҷоза нест ба касе зиён бирасонад, агар бар асари интиқомҷӯии шахсӣ кудом воқеае шуда бошад, мо онро баррасӣ намуда ва омилони онро муҷозот кардаем.”

Пеш аз ин Антонио Гутерриш, Дабири кулли СММ дар нишасти Шӯрои амният гуфта буд, ки Толибон аз замони сари қудрат омаданашон дар Афғонистон беш аз сад нафар аз кормандон ва низомиёни давлати собиқро куштаанд ва ҳудуди 60% аз ин кушташудаҳо ба таври худсарона ва дур аз доираи қонун анҷом шудаанд.

Гуфтанист, Толибон баъд аз 20 соли ҷанг бо нерӯҳои НАТО бо раҳбарии Амрико 15-уми августи соли 2021 дубора пас аз фирори Ашраф Ғанӣ, собиқ президенти Афғонистон қудратро соҳиб шуданд. Он ҳам замоне буд, ки Ашраф Ғанӣ, президенти пешини Афғонистон ба Амороти Муттаҳидаи Араб фирор кард, вориди Кобул шуданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.