14.9 C
Dushanbe

Мунтазири марҳамати мақомот. 3000 шаҳрвандони бандмондаи Тоҷикистону Узбекистон дар “Жибек Жолӣ”

Акс аз “instagram.com/kris_p_kz

Се ҳазор шаҳрванди Тоҷикистону Узбакистон дар наздики посгоҳи сарҳадии “Жибек Жолӣ”-и вилояти Туркистони Қазоқистон  банд мондаанд. Дар ин бора  8-уми июл ба расонаҳои қазоқӣ Сакен Калкаманов, муовини раиси вилояти Туркистони Қазоқистон хабар додааст. Ба гуфтаи вай, бештари дармондагон шаҳрвандони Узбекистон ҳастанд.

Ҳафтаи гузашта расонаҳо навиштанд, ки дар гузаргоҳи “Жибек Жолӣ”-и байни Қазоқистон бо Узбекистон наздики 2 ҳазор шаҳрванди Тоҷикистону Узбекистон ҷамъ шудаанд. Ба навиштаи расонаҳо, бештари онҳо муҳоҷирони меҳнатие ҳастанд, ки дар Қазоқистон кор мекарданд ва қасди ба хонаҳояшон баргаштанро доранд. Узбекистон ба далели нокофӣ будани марказҳои карантиниаш иҷозат намедиҳад, ки ҷамъшудаҳо аз марз гузаранд.

Ба гуфтаи муовини раиси вилояти Туркистони Қазоқистон, ҳафтаи гузашта ҷониби Узбекистон ба 200-300 кас иҷозаи убур дод. Муовини раиси вилоят афзуд, рӯзе як маротиба эҳсонкорон ва афроди хайрхоҳ ба дармондагон ғизову об мерасонанд.

Дар шабакаҳои иҷтимоӣ низ аксу навори ҷамъшудаҳо нашр гардид, ки чи гуна рӯи замин хоб мераванд.

Вебсайти  CentralAsia (UZ) аз қавли  консули генералии  Узбакистон дар Алмаато навиштааст,ки ҳудуди се ҳазор аз атбои ин кишвар айни замон  дар назди гузаргоҳи марзии “Гиш-куприк” ҷамъ шудаанд.Тибқи иттилои вазорати умури хориҷаи Узбакистон кормандони консулгарӣ бо ин афрод дар иртибот буда онҳоро бо обу ғизо ва хуроки гарм таъмин карда истодаанд.

Узбекистон сар аз охири моҳи март ба далели паҳншавии коронавирус марзҳояшро баст. Ин кишвар ба сокинони ҳамсоякишварҳояш иҷозаи убури марзро намедиҳад. Мақомоти Узбакистон баъди вуқӯи мавориди бештари гирифторӣ ба коронавирус дар ин кишвар шароити карантинро аз 10 июл то 1 август дигарбора тамдид карданд.Дар саросари кишвар фаъолияти бозору мағозаҳо ва миёни манотиқи кишвар равуои васоили нақлиёти ҷамъиятӣ низ қатъ карда шудааст.

Зимнан ин бори аввал нест,ки шаҳрвандони Тоҷикистон дар ин гузаргоҳ ҷамъ меоянд.Ҳафтаи гузашта ҳудуди 800 нафар аз тоҷикитониҳоро бо мусоидати СММ ва маблағгузории ҳукумат  Норвегияи маҳз аз ҳамин гузаргоҳ ба ватан бозгардониданд,ки аз миёни онҳо 70 нафар бо алоими гирифторӣ бо COVID-19 феълан дар бемористони Хуҷанд бистарианд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.