Як мақомдори баландпояи низомии Белорус пас аз ҷобаҷакунии силоҳҳои ҳастаии Русия дар хоки ин кишвар ба Ғарб ҳушдор дод, ки хатти сурхро убуб накунанд.
Александр Волфович, Дабири умури хориҷаи Шӯрои амнияти Белорус дар робита ба эътирозоти Ғарб алаҳи ҷобаҷо кардани силоҳҳои атомии Русия дар хоки кишвараш гуфт: “кишварҳои ғарбӣ чорае ҷуз овардан ва гузоштани силоҳҳои ҳастаии тактикии Русия барои Минск боқӣ нагузоштанд” ва кишавараш маҷбур шуд ба ин иқдом даст бизанад.
Волфович ҷобаҷокунии силоҳҳои ҳастаии тактикии Русия дар хоки кишварашро яке аз иқдомҳои стратегӣ тавсиф кард.
Ҳамзамон Дабири умури хориҷаи Шӯрои амнияти Белорус рӯзи 29-уми май дар суҳбат бо расонаҳо ҳушдор дод, ки Ғарб беҳтар аст муроқиб бошад ва дар мавриди масоили калидӣ хатҳои сурхро убур накунад.
Ин мақоми баландпояи низомии Белорус барои чунин тасмим гирифтани кишвараш Амрикоро гунаҳкор медоанд, ки ба гуфтаи ӯ, ин кишвар “ҳама чмзро зери по гузошт ва дар қиболи тааҳҳудоти худ пойбанд намонд.”
Кишвари Билорус, ки бо Лаҳистон ҳаммарз аст, яке муттаҳидони бисёр наздики Путин мебошад. Пас аз ҳамлаи Русия бар Украина ин кишвар низ дар рӯйхати таҳримҳои Ғарб қарор гирифт. Ва Маскав ахиран силоҳҳои ҳастаии тактикии худро дар Белорус ҷобаҷо кард, ки ин иқдоми ӯ ба вокуниши шадиди кишварҳои ғарбӣ ва Амрико рӯбарӯ шуд.
