Варишкори маъруфи Тоҷикистон Лоиқ Раҷабов дар дуввумин қувваозомии худ дар муҳорибаҳои бидуни қоида маъруф ба UFC бо Матеуш Рабетски вориди майдон хоҳад шуд.
Бино ба иттилои расонаҳои лаҳистонӣ, дуввумин мусобиқаи Лоиқ Раҷабов, варзишкори маъруфи Тоҷикистон бо Матеуш Рабетски, варзишкори маъруфи Лаҳистон моҳи июни соли 2023 дар Ҷексонвиллаи (Jacksonville) Иёлоти Муттаҳидаи Амрико баргузор мешавад.
Сомонаи Варзиш тв ҳам хабар додааст, ки мусобиқаи Лоиқ Раҷабов бо Матеуш Рабетски рӯзи 24-уми июни соли ҷорӣ дар UFC (Ultimate Fighting Championship) ба нақша гирифта шудааст.
Гуфта мешавад, варзишкори тоҷик Лоиқ Раҷабов пеш аз ин дар майдони рақобатҳои UFC пирӯзи майдон шуда буд. Ҳар ду ин варзишкорон дар корномаи худ 17 бор ғолиби майдон шудаанд. Вале агар Матеуш Рабетски як бохт дошт бошад, Лоиқ Раҷабов дар баробари пирӯзиҳои худ 4 бохтеро ҳам дар корномааш сабт кардааст.
