32.9 C
Dushanbe

Варзишгарони тоҷик аз Узбекистон бе медал ба Ватан бармегарданд

Варзишгарони тоҷик дар мусобиқаи қаҳрамонии ҷудои ҷаҳон, ки аз 5-ум то 13-уми октябри соли ҷорӣ дар шаҳри Тошканди Узбекистон баргузор шуд, ҳеч мадалеро соҳиб нашуданд.

Бино ба иттилои Кумитаи миллии олимпии Тоҷикистон, миёни паҳлавонони тоҷик Темур Раҳимов дар вазни беш аз 100 кг натиҷаи беҳтарин нишон дода, мақоми панҷумро касб кардааст.

Темур дар қувваозмоии аввал бар намояндаи Словакия Мариус Физел пирӯз шуда, дар даврҳои баъдӣ намояндаиҳои Фаронса Ҷозеф Терес ​​ва Кореяи Ҷанубӣ Минчонг Кимро шикаст дод ва ба даври ниманиҳоӣ роҳ ёфт.

Дар даври ниманиҳоӣ Темур Раҳимов аз варзишгари Ҷопон Татсуру Саито ва дар қувваозмоӣ барои ҷойи севум аз Гурам Тушишвили гурҷӣ шикаст хӯрда, сазовори ҷойи 5-ум гашт.

Тоҷикистонро дар ин мусобиқа Эмомалӣ Нуралӣ, Муҳаммадраҳим Сарахонов, Беҳрӯз Хоҷазода, Шодмон Ризоев, Сомон Маҳмадбеков, Комроншоҳи Устопириён, Ҷаҳонгир Маҷидов ва Абубакри Акобир низ намояндагӣ карданд, аммо ба шикаст рӯ ба рӯ шуданд.

Дар мусобиқоти қаҳрамонии ҷудои ҷаҳон дар Тошканд дар маҷмуъ 571 варзишгар (310 мард ва 261 зан) аз 82 кишвар ширкат карданд.

Дар радабандии кишварҳо, ҷои аввал Ҷопон, ҷои дуюм Бразилия ва ҷойи сеюм сазовори намояндагони Узбекистон гардид.

Тоҷикистон бо як ҷойи 5-ум дар зинаи 28-ум қарор гирифт ва бинобар ин, мутаассифона, касе аз варзишгарон соҳиби медал нашуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.