36.9 C
Dushanbe

Вазири қирғиз: ихтилоф миёни Қирғизистону Тоҷикистон ҳал шудааст

Бактибек Бекболотов, вазири дифои Қирғизистон имрӯз зимни як нишасти хабарӣ дар бораи муноқишаи моҳи апрел дар марзи Қирғизистону Тоҷикистон изҳори назар кард.

Ба гуфтаи Бекболотов, кишварҳои узви Созмони Паймони Амнияти Дастаҷамъӣ (СПАД) наметавонанд ба низоъе, ки дар дохили кишварҳои узви ин иттиҳод ҷараён доранд, дахолат кунанд.

“Дахолати СПАД ба ин муноқиша нодуруст мебуд. Гузашта аз ин, ин ихтилоф миёни Қирғизистону Тоҷикистон ҳал шудааст. Дар расонаҳо ва ҷомеа баҳсҳо идома доранд, ки кӣ пирӯз шуду кӣ бохт. Мо се афсарро аз даст додем Агар хоҳед, ки аз талафоти тарафи ҳамсоя огаҳ шавед, ба шумо маслиҳат медиҳам, ки ба он ҷо рафта, бо аҳолии махаллӣ суҳбат карда, ин саволро пурсед. Ин артиш буд, ки низоъро қатъ кард”, – гуфт Бактибек Бекболотов.

Бино ба навиштаи пойгоҳи хабарии “24.kg” Вазири дифои Қирғизистон ҳамчунин қайд кард, ки хариди ҳавопаймоҳои бесарнишин идома дорад ва ӯ наметавонад шумораи дастгоҳҳои харидашударо эълон кунад, зеро ин маълумоти махфӣ аст.

Ёдовар мешавем, ки муноқиша дар марзи Тоҷикистону Қирғизистон рӯзи 28-уми апрел дар маҳаллаи нуқтаи тақсими оби “Головной” рух дод. Пас аз он, муноқиша ба марҳилаи истифодаи артиш ва техникаи вазнин гузашт. Тарафхо ниҳоят дар бораи ярокпартоӣ ва пасгардонидани нерӯҳои низомӣ танҳо бегоҳи 1-уми майи соли ҷорӣ ба созиш расиданд.

Ба иддаои ҷониби Қирғизистон дар ин ҳодисаҳо 189 шаҳрванди ин кишвар ҷароҳат бардошта, 36 нафар ҳалок шуданд. Ҷониби Тоҷикистон ба таври ғайрирасмӣ дар бораи беш аз 150 захмӣ ва ҳудуди 16 кушта хабар додааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд. 

Сафари Додситони кулли Эрон ба Тоҷикистон

Додситони кулли Ҷумҳурии Исломии Эрон дар раъси як ҳайати боломақоми кишвар вориди Тоҷикистон шудааст.