34.9 C
Dushanbe

Вазирони дифои кишварҳои узви СААД бо Эмомалӣ Раҳмон мулоқот намуданд

Имрӯз 27 апрел дар ҳошияи ҷаласаи Шӯрои вазирони дифои кишвраҳои узви СААД дар Душанбе Эмомалӣ Раҳмон бо вазирони мудофиаи ҷумҳуриҳои Беларус, Қазоқистон, Қирғизистон, Федератсияи Русия, Ҷумҳурии Тоҷикистон, Дабири кулли СААД ва ҳамчунин намояндаи комилҳуқуқи Ҷумҳурии Арманистон дар назди СААД мулоқот анҷом дод.

Бино ба иттилои хабаргузории ҳукуматии “Ховар”, дар мулоқот масъалаҳои ҳамкории давлатҳои аъзо дар самти сиёсӣ, ҳарбӣ, ҳарбӣ-техникӣ, муборизаи муштарак бар зидди терроризм, экстремизм, гардиши ғайриқонунии маводи нашъаовар, дигар ҷиноятҳои муташаккили фаромиллӣ, таъмини амнияти минтақа, вазъи Афғонистони ҳамсоя ва мустаҳкам кардани ҳифзи сарҳади давлатӣ байни Тоҷикистону Афғонистон, мавриди баррасӣ қарор гирифтааст.

Дар мулоқот зикр гашта, ки паҳншавии босуръати бемориҳои гуногуни сироятӣ дар ҷаҳон ба амнияти минтақа таҳдид мекунад. Аз ин рӯ, масъалаи ташкили низоми таъмини амнияти биологии кишварҳои аъзои СААД низ баррасӣ гардид.

Гуфта мешавад, ки пас аз мулоқот бо Раҳмон вазирони дифои кишварҳои узви СААД дар майдони Дӯстӣ бар пояи муҷассамаи Исмоил Самонӣ гулчанбарҳо гузоштанд.

Имсол СААД-ро Тоҷикистон раисӣ мекунад ва ин ҷаласаи якуми Шӯрои вазирони мудофиаи кишварҳои аъзост, ки дар давраи раёсати кунунии Тоҷикистон дар Душанбе баргузор мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.

ВКД 100 ҳазор сомонӣ мукофот медиҳад

Вазорати корҳои дохилии Тоҷикистон барои пайдо кардани як нафар гумонбар ба ҷиноят дар пойтахт аз мардум кумак хостааст.