Сурат: moh.tj

Ҷамолиддин Абдуллозода Вазири тандурустӣ ва ҳифзи иҷтимоии аҳолии Ҷумҳурии Тоҷикистон дирӯз 21 октябр бо Директори Дафтари минтақавии Ташкилоти умумиҷаҳонии тандурустӣ дар Аврупо доктор Ҳанс Клуге ба тариқи виртуалӣ Созишномаи навбатии дусолаи ҳамкориро ба имзо расониданд. Дар ин бора Вазорати тандурустии Тоҷикистон дар сомонаи худ хабар дод.

Вазири тандурустии Тоҷикистон аз масъули Дафтари минтақавии Ташкилоти умумиҷаҳонии тандурустӣ дар Аврупо барои дастгирии доимӣ дар самти мубориза бар зидди бемории коронавируси нави COVID-19 изҳори миннатдорӣ  кардааст.

Сурат: moh.tj

Абдуллозода гуфтааст:

“Имрӯз аз нуқтаи назари таърихӣ рӯзи муҳим аст, зеро мо бори аввал бо шумо дар шакли виртуалӣ Созишномаи навбатии дусоларо байни Вазорати тандурустӣ ва ҳифзи иҷтимоии аҳолӣ ва Ташкилоти умумиҷаҳонии тандурустӣ имзо мерасонем”.
Сурат: moh.tj

Вазири тандурустӣ дар идома таъкид доштааст, ки Тоҷикистон дар хусуси пешгирии вируси Ковид-19 ба таъаҳудоти худ содиқ мебошад.

“Мехоҳам шуморо бовар кунонам, ки Ҳукумати Ҷумҳурии Тоҷикистон ба принсипҳои ҳамкории глобалӣ барои рафъи бемории коронавируси нави COVID-19 содиқ мебошад”.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.