Сафорати Русия дар Кобул дар вокуниш ба таркиши дирӯза гуфтааст, ки то иттилои баъдӣ ва ба таври муваққат хадамоти консулгарии худро қатъ мекунад.
Шоми дирӯз, 5-уми сентябри соли 2022 сафорати Русия дар Кобул дар сафҳаи Твиттри худ иттилоъ дод, ки пас аз таркиш ва марги ду дипломати рус хадамоти консулгарии худро ба таври муваққат қатъ кардааст.
Аз сӯи дигар Толибон ҳам эълон кардааст, ки теъдоди кушташудагони таркиши субҳи дирӯз дар дами даромадгоҳи вурудии сафорати Русия дар Кобул ба 6 нафар расидааст.
Пеш аз ин ДИИШ масъулияти ин ҳамларо ба дӯш гирифта, гуфта буд, ки яке аз аъзои ин гурӯҳ “бо мақсади нобуд сохтани душман” дипломатҳои рус ва шуморе аз “ҷосус”-ҳои онро ҳадаф қарор додааст.
Гуфта мешавад, аз замони дубора сари қудрат омадани Толибон дар 15-уми августи соли 2021 нахустин шуда, сафорати Русия дар Кобул ҳамчун яке аз мақараҳои дипломатӣ дар Афғонистон мавриди ҳамлаи маргталабона қарор гирифтааст.
