14.9 C
Dushanbe

ДИИШ масъулияти инфиҷори дирӯзаи Кобулро ба дӯш гирифт

Шохаи ДИИШ дар Афғонистон масъулияти инфиҷори рӯзи гузашта дар назди даромадгоҳи сафорати Русия дар Кобулро, ки боиси марги ду дипломати рус шуд, бар дӯш гирифт.

Расонаи “Ақмоқ” мансуб ба гурӯҳи даҳшатафкани ДИИШ хабар дод, ки амали инфҷори рӯзи 5-уми сентябр дар назди сафорати Русия дар Кобулро як узви ин гурӯҳ бо мақсади “нобуд сохтани душман” анҷом додааст.

Дар хабар гуфта мешавад, ки “инфиҷори маргталабонаи Давлати исломӣ дар назди даромадгоҳи сафорати Русия беш аз 25 кушта ва захмӣ ба ҷо гузошт, ки дар байни онҳо ду корманди рус ва шуморе аз ҷосусҳояшон ҳастанд”.

Ёдовар мешавем, ки рӯзи гузашта дар минтақаи Доруламони Кобул, яке аз минтақаҳои амниятии пойтахти Афғонистон, назди даромадгоҳи сафорати Русия дар Кобул инфиҷори маргталабона рух дод, ки чандин кушта ва захмӣ ба ҷо гузошт.

Ба гуфтаи расонаҳо, бар асари ин таркиши бузург ду дипломати рус ҷон бохт. Дар пайи ин ҳодиса вазири корҳои хориҷии Русия Сергей Лавров бо вазири корҳои хориҷаи Толибон Амрихон Муттақӣ телефонӣ гуфтугӯ карданд. Муттақӣ ба ҷониби Русия итминон дода, ки нерӯҳои Толибон ба амнияти сафорати Русия дар Кобул “таваҷҷуҳи вежа” хоҳанд кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.