18.9 C
Dushanbe

Вокуниши раиси ҲНИТ ба изҳороти ахири додситони кулли Русия

Раҳбари Ҳизби наҳзати исломии Тоҷикистон Муҳиддин Кабирӣ бо навиштае дар Твиттер ба изҳороти ахири додситони кулли Русия дар мавриди “террористӣ хондани ҲНИТ” вокуниш кард.

Муҳиддин Кабирӣ, раиси ҲНИТ бо нашри паёми кӯтоҳе дар Твиттер гуфтааст:

“Русия ҳамчун кафили раванди сулҳи тоҷикон бо террористӣ хондани ҲНИТ – як тарафи сулҳ, иштибоҳ мекунад. Ин иқдом метавонад ба ифротишавии гурӯҳҳои муътадил, афзоиши руҳияи зидирусиягӣ ва аз байн бурдани эътимод ба гуфтушунид ва роҳҳалҳои мусолаҳатомези мушкилоти Тоҷикистон анҷомад.”

Ду рӯз пеш Игор Краснов, додситони кулли Русия зимни як сафари корӣ ба Тоҷикистон, дар мулоқот бо Эмомалӣ Раҳмон, раисиҷумҳури Тоҷикистон изҳор дошта буд, ки Додситонии кулли Федератсияи Русия бо дархосте ба додгоҳ муроҷиат кардааст, ки Ҳизби наҳзати исломии Тоҷикистон дар қаламрави Русия ташкилоти “террористӣ” шинохта шавад.

Мақомоти Тоҷикистон фаъолияти ҲНИТ-ро дар дохили кишвар аз соли 2015 мамнуъ эълон акарда, раҳбарони сатҳи болоии ҳизбро аз ҳукми абад то солҳои дароз зиндонӣ кард. Аз он замон то ҳоло, бо вуҷуди талоши зиёди мақомоти тоҷик, ҳеч кишваре ҲНИТ-ро ҳамчун гурӯҳи “террористӣ” эътироф накарда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.

Сомон Маҳмадбеков барандаи медали биринҷӣ гашт

Сомон Маҳмадбеков, варзишкори шинохтаи тоҷик медали қаҳрамонии ҷаҳонро ба Тоҷикистон овард.

Чин дар истихроҷи ангишт ва газ ба Тоҷикистон кумак мекунад

Мақомоти Тоҷикистон бо мақомоти Чин рӯзи 21-уми майи соли ҷорӣ дар робита ба сармуоягузории ин кишвар дар истихроҷи ангишт ва газ созишнома ба имзо расониданд.