9.9 C
Dushanbe

Русия ҲНИТ-ро гурӯҳи “террористӣ” эълон мекунад

Додситонии кулли Русия хостори ташкилоти “террористӣ” шинохта шудани Ҳизби наҳзати исломии Тоҷикистон шуд. Дар ин бора расонаҳои русӣ хабар медиҳанд.

Тавре расонаи “Коммерсантъ” бо истинод ба мақомоти назоратӣ хабар медиҳад, Игор Краснов, додситони кулли Русия дирӯз дар мулоқот бо Эмомалӣ Раҳмон, раисиҷумҳури Тоҷикистон изҳор дошта, ки Додситонии кулли Федератсияи Русия бо дархосте ба додгоҳ муроҷиат кардааст, ки Ҳизби наҳзати исломии Тоҷикистон (ҲНИТ) ташкилоти “террористӣ” шинохта шавад.

Додситони кулли Русия, ки бо сафари корӣ дар Тоҷикистон қарор дорад, гуфтааст, ниҳоди зери раҳбарияш дархости додситони кулли Тоҷикистон Юсуф Раҳмонро дар мавриди ба унвони террористӣ шинохтани якчанд ташкилотҳо ва ҳизбҳо дар Русия баррасӣ кардааст.

“Дар мавриди Ҳизби наҳзати исломии Тоҷикистон мо аллакай ба додгоҳ бо даъвои дахлдор муроҷиат кардаем”, – гуфтааст Игор Краснов ҳангоми вохӯрӣ бо Эмомали Раҳмон.

Хадамоти матбуотии раисҷумҳури Тоҷикистон низ дар ин бора хабар дод, ки “ҷонибҳо масъалаҳои аз байн бурдани хатарҳои мавҷудаи дохилиро, ки аз ҷумла бо тамоюлҳои таҳмили идеологияи  тундгароии динӣ ба ҷомеа, ҳамчунин  гурӯҳҳои “хуфта”-и терроризму экстремизми байналмилалӣ алоқамандӣ доранд, муҳокима намуданд”.

Вале дар хабари Хадамоти матбуоти раисҷумҳури Тоҷикистон дар мавриди Ҳизби наҳзати исломии Тоҷикистон чизе гуфта нашудааст.

Мақомоти Тоҷикистон фаъолияти ҲНИТ-ро дар дохили кишвар аз соли 2015 мамнуъ эълон акарда, раҳбарони сатҳи болоии ҳизбро аз ҳукми абад то солҳои дароз зиндонӣ кард. Аз он замон то ҳоло, бо вуҷуди талоши зиёди мақомоти тоҷик, ҳеч кишваре ҲНИТ-ро террористӣ эътироф накарда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.