Субҳи имрӯз бар асари як таркиш дар Дафтари волии Балх дар Мазори шариф дасти кам чор нафар кушта ва чанд каси дигар захмӣ шудааст.
Бино ба иттилои расонаҳо, Муҳаммадосиф Вазирӣ, фармондеҳи амнияти Толибон дар вилояти Балх мегӯяд, бар асари як таркиши шадиде, ки субҳи имрӯз, саоти 10:00 ба вақти маҳаллӣ дар дохили Дафтари волии Балх дар шаҳри Мазори Шариф рух дод, дасти кам чор нафар кушта шуданд.
Муҳаммадосиф Вазирӣ таъкид карда, ки ин таркиш дар ҳоли баргузории як нишасти идорӣ дар Дафтари волии Балх рух дода ва дар ҷамъи кушташудагон мулло Муҳаммаддовуд Музаммил, волии Балх ҳамроҳи ду муҳофизаш низ ҳастанд.
Ба қавли расонаҳо, дар ҷамъи касоне, ки бар асари ин таркиш захмӣ шудаанд, Аҳмадуллоҳ Васиқ, як хабарнигор маҳаллӣ низ бо ҷароҳатҳои вазинин дар бемористон бистарӣ шудааст. Инчунин мегӯянд, шиддати ин таркиш он қадр сахт буда, ки Дафтари волии Балх ба сурати ҷиддӣ осеб дидааст.
Забеҳуллоҳи Муҷоҳид, сухангӯи Толибон ҳам дар Тввитраш кушта шудани Муҳаммаддовуд Музаммилро ба хонавода ва наздикону пайвандонаш тасаллият гуфт. Ӯ таъкид карда, ки аллакай "таҳқиқот дар ин маврид оғоз шудааст." Аммо теъдоди кушташудагон ҳамроҳи волиро на чор нафар, балки як нафар гуфтааст.
Гуфта мешавад, то замоне ки ин матлаб таҳия мешуд, ҳеч ниҳод даст доштани худ дар қатли волии Балх ва ҳамроҳонашро бар уҳда нагирифта аст, вале сухангӯи расмии Толибон ин амалро кори "душманони ислом" хонд.
Барои Толибон давоми 20 соли ҷанги бо нерӯҳои хориҷӣ бо раҳбарии Амрико дар Афғонистон таркондан ва амлиётҳои интиҳорӣ яке аз василаҳои асосии ҷанг ба ҳисоб мерафт ва то ҳол ягонҳои вижаи интиҳории худро ҳифз мекунад.
Волии Балх, зодаи вилояти Ҳилманди Афғонистон ва аз наздикони раҳбарияти Толибон дар Қандаҳор буд. Вай пеш аз волӣ интихоб шудан дар Балх, волии вилояти Нангарҳор буд.
