32.9 C
Dushanbe

Додгоҳи Душанбе Завқибек Саидаминиро ба 7 соли зиндон маҳкум кард

Рӯзи панҷшанбе, 3-уми ноябри соли ҷорӣ Додгоҳи ноҳияи Исмоили Сомонии шаҳри Душанбе рӯзноманигор Завқибек Саидаминиро барои 7 сол равонаи зиндон кард.

Қаблан додситонӣ аз додрас барои ӯ маҳрум сохтан аз озодӣ ба муҳлати 7,5 сол талаб карда буд.

Ба гузориши Радиои Озодӣ, ин рӯзноманигори тоҷик дар суханони охиринаш ҳама иттиҳомоти эълошударо рад кардааст. Вакили дифои ӯ гуфта, ки баъд аз машварат бо зерҳимояаш тасмим хоҳанд гирифт, ки ба зинаҳои болотар аз болои ин қарор шикоят мекунанд ё на.

Гуфта мешавад, мақомот ӯро дар ҳамкорӣ бо Ҳизби наҳзати исломии Тоҷикистон ва “Гурӯҳи 24” муттаҳам мекунад. Аммо худи ӯ борҳо ин иттиҳомотро рад кардааст.

Ҳамзамон ҲНИТ ва ҳам “Гурӯҳи 24” низ бо интишори баёнияҳое иттиҳомоти эълоншуда алйҳи Саидаминиро, ки ҳамкорӣ бо ин гурӯҳҳои мухолифи ҳукумат гуфта мешавад, рад карда, онро парвандаи сохтаи дасти мақомот номида буданд.

Ба 7 соли зиндон маҳкум шудани Саидаминӣ дар ҳолест, ки пештар аз ин Абдуллоҳ Ғурбатӣ 4-уми октябр барои 7,5 сол ва Далери Имомалӣ 17-уми октябр ба 10 соли зиндон маҳкум шуданд.

Дар ҳама мурофиаҳои ин рӯзноманигорон додрас танҳо тавониста 6 моҳӣ аз талаби додситониро кам кунад.  

Ёдовар мешавем, ки Завқибек Саидаминӣ 8-уми июли соли ҷорӣ аз ҷониби кормандони Раёсати мубориза бо ҷиноятҳои созмонёфтаи ВКД дар шаҳри Ваҳдат боздошт шуд.

Мақомоти Тоҷикистон дар пайи як амалиёти махсус тобистони соли ҷорӣ чанд рӯзноманигор, аз ҷумла Абдуллоҳ Ғурбатӣ, Далери Имомалӣ, Абдусаттор Пирмуҳаммадзода, Завқибек Саидаминӣ, Муҳаммади Султон, Улфатхоним Мамадшоева ва чанд нафари дигарро боздошт карданд.

Боздошти ин рӯзноманигорони тоҷикро созмонҳои ҳуқуқӣ ва ҳимояи рӯзноманигорон маҳкум карда, борҳо озодии бечуну чарои онҳоро аз Ҳукумати Тоҷикистон талаб карданд, вале мақомоти тоҷик мисли ҳамеша ин дархостҳоро нодида гирифт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.

Санги қабри Мамадбоқировро канданд

Кормандони Кумитаи давлатии амнияти миллии Тоҷикистон санги рӯи қабри...

Киев ва Маскав ҳар ду мавриди ҳамла қарор гирифтанд

Тайи се рӯзи ахир Русия ҳамлаҳои худ алайҳи Украинаро афзоиш додааст, вале Маскав ҳам субҳи имрӯз мавриди ҳамла қарор гирифт.

Бонки миллӣ мизони таваррум дар кишварро эълон кард

Тибқи нишондодҳои расмӣ, дар 4 моҳи аввали соли ҷорӣ Маҷмуи маҳсулоти дохилӣ дар кишвар 8 дарсад рушд карда, сатҳи таваррум 2,3 дарсадро ташкил додааст.