31.9 C
Dushanbe

ШВКД милисахона аст ё ҳаромхона?

Нодира Назарӣ, як корманди бахши Фарҳанги шаҳри Истиқлоли вилояти Суғд иддао карда, ки як шабонарӯз дар Шуъбаи Вазорати корҳои дохилӣ мавриди таҳқиру тавҳин ва шиканҷа қарор гирифтааст.

Нодира Назарӣ, акс аз Фейсбук
Нодира Назарӣ бо нашри сил-сила паёмоҳо дар саҳфаи расмиаш дар Фейсбук иддао карда, Наргис Разоқова, мудири бахши фарҳанги шаҳри Истиқлол аз болои ӯ ба шуъбаи Вазорати корҳои дохилӣ шикоят карда, як рӯз пеш аз сафари Президенти Тоҷикистон ба ин шаҳр мавриди тақҳиру тавҳин ва шиканҷа қарор гирифтааст.

Ин бонуи тоҷик, ки дар байни бархе адибони кишвар ҳамчун шоира низ ёд мешавад, меафзояд, баъд аз сабти ин шикоят, як нафар аз кормандони шуъбаи Вазорати корҳои дохилӣ ӯро “маҷбуран бо дурӯғе, ки шуморо амнияти ҷумҳурӣ Фаррух даъват карда, бояд равед, ки шумо, пагоҳ назди президент шеъри худро мехонед”, гирифта бураданд.

Вай дар идома мегӯяд, бо маслиҳати дуҷониба, мудири бахши фарҳанг Наргис Разоқова ва сардори ШВКД, Авазхон Азиззода, як шабонарӯз ғайриқонунӣ мавриди таҳқиру таънаҳои сардор қарор гирифта ва Орипов Амирхон, корманди ин шуъбаи Вазорати корҳои дохилӣ низ дар ин муддат бо мушт ба пушти сараш зада, ҷароҳати иллати майнаи сар бардоштааст.

Ба гуфтаи ӯ, яке аз кормандони давлатӣ ҳукумати шаҳри Истиқлол кору фаъолият мекунад, қиссаи шиканҷа шуданашро аз он ҷо оғоз карда, ки бархе кормандони тоҷиктабору узбектаборро ба бемасъулиятӣ муттаҳам карда, гуфтааст, ки қурбони падидаи миллатгароӣ шудааст.

Гуфта мешавад, пас аз расонаӣ кардани ин рафтори мақомоти корҳои дохилӣ, хонум Нодира Назарӣ дар шабакаҳои иҷтимоӣ низ мавриди таъқиб ва таҳдид қарор гирифт ва дар ибтидо ҷасурона мегуфт, “ман манқурт нестам!!! Ҳуқуқ дорам, ки оиди нобаробарӣ садо диҳам, косаи сабрам лабрез шуд!!!

Президент Эмомалӣ Раҳмон зимни сафараш ба вилояти Суғд рӯзи 30-уми марти соли ҷорӣ ба шаҳри Истиқлол низ сафар карда буд ва агар ин иддаоҳои хонум Нодира Назарӣ дуруст бошад, пас ӯ рӯзи 29-уми марти соли ҷорӣ дар шуъбаи Вазорати корҳои дохилӣ мавриди озору азият ва шиканҷаи ҷисмонӣ қарор гирифтааст.

Ба назар мерасад, баъдтар тобу тавони шиддати фишорҳои мақомот ва дигар кормандони ҳукумати шаҳрро тоб наоварда, хеле аз арзу шикоятҳо ва даъвоҳи худро аз саҳфааш пок кардааст. Бо ин вуҷуд, ҳамоно ҳам иддао дорад, ки пас аз шиканҷа шудан дар шуъбаи Вазорати корҳои дохилӣ барои чанд муддат дар бемористон бистарӣ шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.