Иддае аз мусофироне, ки тариқи Фурӯдгоҳи байналмилалии шаҳри Душанбе сафар мекунанд, аз бад шудани хидматрасониҳо шикоят кардаанд.
Субҳи имрӯз, 13-уми ноябри соли 2023, журналист ва фаъоли ҷомеаи маданӣ Шаҳноз Комилзода бо нашри як матлаби кӯтоҳе зери унвони “ҳамин фурудгоҳи байналмиллалии мо соҳиб дошта бошад?!“, аз бад шудани сатҳи хидматрасонӣ дар ин фурӯдгоҳ хабар дод.
Ин матлаби кӯтоҳ дарҳол ба вокунишҳои зиёд дар байни корбарон рӯбарӯ шуд. Хонум Шаҳноз Комилзода таъкид карда, ки “ҳоло аз ҳавопаймо фуруд омадам. 45 дақиқа дар навбати “назорати шиноснома” истодам.” Аммо корбаре бо номи Устораҳмат Додудов гуфта, ки “мо низ соати панҷ фуруд омада, то соати ҳафт навбат истодем. Хайрият шумо 45 дақиқа истодаед. Ман ду соату бист дақиқа истодам.”
Аммо хонум Нодира Мирхоҷаева меафзояд: “Бе навбат одамошона мегузаронан, на самом деле, 100% дуруст шикоятатон!!! Ин тақдири аэропортба давоми 30 соли истиклолият як одами дурусти чашмаш сер нафуромад, ки якбор обод кунад хамунчая, факат ба сари вазифа омадану хурдану р..ну рафтан!!!”
Фурӯдгоҳи байланмилалии шаҳри Душанбе борҳо ба яке аз марказҳои порадиҳӣ ва порагирӣ ном баровардааст ва корбаре ҳам бо номи Садриддин Толибов мегӯяд: “Аз ифлосии сатҳи баланди карупсия дар ин фурудгоҳ чаро ҳеҷ сухан нагуфтед. Аз ҳама ҷои ифлостарин дар бобати корҳои хусуссияти карупсионидошта, ҳамин даргоҳи муқадас аст…”
Корбарон решаҳои асосии ин ҳама бетартибиву бенизомӣ, чиркиниву ифлосиҳое, ки дар Фурӯдгоҳи байналмилалии Душанбе, ки онро дар фасоди идориву ахлоқӣ ва қавли Қурбоналӣ Бурҳонов, “Ақлу фаросату дониш набошад, аз куҷо тартибу интизом мешавад!”
Аз сӯи дигар, ин матлаб вокуниши хеле мусофироне фурӯдгоҳи шаҳри Хуҷандро баровадааст. Корбарони зиёде ҳам дар ин байни кунишгарон вуҷуд дорад ва ба қавли Акмал Акрамов: Тамоми тобистон дар фурӯдгоҳи Хучанд ба толори пазироӣ роҳ набуд. Чаро ??? Касе посух намедод.”
Корбарон ва мусофироне, ки аз хидматрасониҳои ин ду фурӯдгоҳи номии Тоҷикистон норозӣ ҳастанд, бар иловаи хеле бад будани шароити хидматрасонӣ, вуҷуди коррупсия, аз надоштани ҳоҷатхонаҳои поку тамиз ва риоя накардани оддитарин шароити санитарӣ дар ин фурӯдгоҳҳои кишвар низ шикоят доранд.
Корбарони зиёде аз мақомоти қудратӣ ва интизомӣ, шаҳрдори пойтахт ва ҳатто аз Президенти Тоҷикистон хостаанд, ки вориди амал шаванд ва ҳарчи тезтар пеши роҳи ин ҳама бебандубориҳое, ки ба гуфта хонум Саноат Азизова, “дар ҳеч фурӯдгоҳи дунё вуҷуд надорад”-ро бигиранд.
Гуфта мешавад, бо вуҷуди мавҷи вокунишҳо, то замони таҳияи ин матлаб мақомоти расмӣ дар Фурӯдгоҳи байналмилалии Душанбе ва Фурӯдгоҳи шаҳри Хуҷанд дар ин бора ҳеч гуна изҳори назаре ба сурати расмӣ накардаанд.
