16.9 C
Dushanbe

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.

Бино ба иттилои Пажӯҳишгоҳи ҷаҳонии Швейтсария (SIGA), Толибон пас аз музокироти пинҳонии мақомоти Тоҷикистон ва Иморати исломӣ бо дархости ҷониби Тоҷикистон дар музокироти сулҳ байни ҳаракати “Ансоруллоҳ” ва Тоҷикистон миёнҷигарӣ кардаанд.

Ба қавли манбаъ, музокирот байни мақомоти амниятии Тоҷикистон ва Иморати исломии Толибон дар ин хусус тайи чор моҳи ахир дасти кам ду маротиба, яке моҳи декабри соли 2023 сурат гирифта ва бори дувум ҳам дар январи соли ҷорӣ баргузор шудааст.

Ҳаркати “Ансоруллоҳ”-и Тоҷикистон пас аз имзои Созишномаи истиқрори сулҳ ва ризоияти миллӣ Тоҷикистон тавассути мулло Амриддин, яке аз норозиёни имзои созишномаи сулҳ байни Иттиҳоди мухолифини Тоҷикистон ва ҳукумати Эмомалӣ Раҳмон дар Афғонистон таъсис дода шуд ва нерӯҳои он то ҳол дар ин кишвар ҳузур дорад.

Ҳаркати “Ансоруллоҳ”-и Тоҷикистон пас аз дубора сари қудрат омадани Иморати исломӣ дар Афғонистон дар паҳлуи онҳо мақоми худро нигаҳ дошт ва Толибон ҳам назорати бархе манотиқи наздимарзӣ бо Тоҷикистон дар вилояти Бадахшонро ба уҳда ин гурӯҳ вогузор карда буданд.

Тоҷикистон ин ҳаракатро террористӣ эълон кардааст ва бар асоси ҳукми Додгоҳи олии кишвар ҳар гуна фаъолиятҳои ҳаркати “Ансоруллоҳ” дар қаламрави Тоҷикистон мамнуъ эълон шудааст.

Аммо Толибони Афғонистон ин ҷунбиши низомиро, ки ахиран аз “Ансоруллоҳ” ба Таҳрики Толибони Тоҷикистон (ТТТ) тағйир ном карда ва акасари нерӯҳояш аз ҳисоби шаҳрвандони Тоҷикистон мебошанд, созмони террористӣ намешиносад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Роналдо 900-умин голи торихиашро зад

Мунтахаби Португалия дар даври 1-уми Лигаи миллатҳо дар мавсими 2024/25 дар майдони худ бар тими Хорватия бар ҳисоби 2.1 пирӯз шуд.

Ихроҷи муҳоҷирон аз Русия 50% афзоиш ёфт

Вазорати корҳои дохилии Русия 6-уми сентябри соли ҷорӣ зимни интишори гузорише аз афзоиши 50 дарсадии ихроҷи муҳоҷирон хабар дод.

Аввалин ҷоизаи давлатӣ ба Далер Назаров

Далер Назаров, овозхони саршиноси тоҷик дар 65-солагӣ баъд аз даҳсолаҳо хунарнамоӣ дар саҳнаи ҳунар ба Ҷоизаи давлатии Абӯабдуллоҳи Рӯдакӣ қадрдонӣ шуд.

Эълони номзадҳо барои ҷоизаи “Тӯби тиллоӣ” ҷаҳонро дар ҳайрат монд

Пас аз эълони номзадҳо аз ҷониби "France Football" барои дарёти ҷоизаи "Тӯби тиллоӣ" расонаҳои ҷаҳон мепурсанд, "Кӣ Лионел Мессиро иваз мекунад?"