35.9 C
Dushanbe

Афзоиши фурӯши металҳои гаронбаҳо дар Тоҷикистон

Дар давоми се моҳи аввали соли ҷорӣ фурӯши сангу филизоти гаронбаҳо ба хориҷ аз кишвар нисбат ба ҳамин давараи соли гузашта ба маротиб афзоиш ёфтааст.

Тавре Spetnik Тоҷикистон менависад, “тибқи натиҷаҳои семоҳаи аввали соли ҷорӣ, ҳаҷми фурӯш нисбат ба ҳамин давраи соли 2023 беш аз 1250% боло рафтааст.”

Гуфта мешавад, дар умум Тоҷикистон аз фурӯши филизоти қиматбаҳо, аз ҷумла тилло ва дигар сангҳои гаронарзиш ҳудуди 298 млн доллари амрикоӣ фоида ба даст овардааст.

Аммо ҳаҷми умумии содироти ин металҳои қиматбаҳо дар ин давра 614 млн долларро ташкил карда, ки танҳо наздики 50% аз он ба кишвари Швейтсария рост меояд.

Мақомоти Тоҷикистон дар соли 2023 ҳудуди 2 млрду 448,8 млн доллар ба хориҷи кишвар молу маҳсулот содир карда буд, ки ба гуфтаи вазири рушди иқтисод ва савдои ҷумҳурӣ Завқӣ Завқизода ҳиссаи металлҳои қиматбаҳо дар ҷойи авввал буда, 46,6%-ро ташкил дод.

Бино ба иттилои расмӣ, захираи тилои тасдиқшуда дар кишвар ҳудуди 500 тоннаро ташкил медиҳад.

Агарчи Тоҷикистон садҳо навъи молу колоро ба хориҷ содир мекунад, вале дар ин чанд соли ахир содироти сангу металҳои гаронбаҳо бо маблағҳои зиёд таваҷҷуҳи таҳлилгарону коршиносонро ба худ ҷалб карда, суолҳои зиёдеро ба вуҷуд овардааст.

Ба гуфтаи огоҳон, корхонаҳои истихроҷи филизот ва сангҳои гаронбаҳои Тоҷикистон асосан дар дасти чиниҳо ва русҳо аст ва аммо ҳиссаи Тоҷикистон, ки хеле кам аст, қисме ба давлат ва қисми дигар дар дасти шахсони аввали кишвар қарор дорад ва тиҷорати ин маҳсулотро низ онҳо идора мекунанд, ки фоидаи ками он ба буҷаи давлат ворид мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.