Дар шаҳри Душанбе як мудири боғчаи кӯдакон ҳамроҳи як мураббӣ барои беэҳтиётӣ кардан дар тарбияи кӯдакони боғча ба зиндон маҳкум шуданд.
Додгоҳи ноҳияи Синои шаҳри Душанбе дар парвандаи марги кӯдаки 2-сола дар кӯдакистони хусусии “Саволу Ҷавоб” (Почемучка) ҳукми худро содир кард. Ба иттилои манобеи огоҳ, мудири муассиса Рухшона Исматуллоева ба 6 сол ва мураббӣ Боғигул Раҳимова ба 5 соли зиндон маҳкум шуданд.
Ҳукм тибқи моддаҳои қонунии марбут ба бепарвоӣ ва беэҳтиётии хидматӣ содир гардида, аммо ба иллати он ки ҳарду маҳкумшуда кӯдакони ноболиғ доранд, иҷрои ҳукм то расидани фарзандонашон ба синни 8-солагӣ мавқуф гузошта шудааст.
Марги фоҷиабори кӯдаки дусола бо номи Судайс моҳи майи соли 2025 дар рахти хоби кӯдакистон рух дода буд. Дар наворҳое, ки тариқи дурбинҳои мадорбастаи кӯдакистон сабт ва нашр гардида буд, дида мешуд, ки гардани кӯдак дар байни панҷараҳои муҳофизатии тахти хоб руст монда бар асари хафаги ба ҳалокат мерасад.
Ин ҳодиса дар ҷомеа вокунишҳои зиёдеро ба бор оварда, масъалаи таъмини бехатарии кӯдакон дар муассисаҳои томактабиро дубора дар маркази таваҷҷуҳи қарор дод.
