Додгоҳи олии Тоҷикистон модари Дилшод Саидмуродов машҳур ба “Дилшоди СБ”, Соҷида Саидмуродоваро ба 13 соли зиндон маҳкум кард.
Соҷида Саидмуродоваи 65-соларо додгоҳ ба қаллобӣ, сохтакории аснод, ғасби қитъаи замин ва монеа шудан ба тафтишот дар парвандаи писараш гунаҳкор донист.
Наздикони ин зан ба Радиои Озодӣ гуфтанд Соҷида Саидмуродоваро ба хотри ҷиноятҳои фарзандаш қасос гирифтанд, аммо Додгоҳи олӣ инро инкор карда, изҳор доштааст, ки ҳукм бар ососи далелҳо содир шудааст, Саидмуродова агар норозӣ аст, метавонад аз болои ин ҳукм шикоят кунад.
‘‘Хешандони ин зан шикоят кардан аз болои ин ҳукмро бефойда хонда, изҳори умедвори кардаанд, ки ин зани пиронсол бар асоси афви оянда озод мешавад.’’
Соҷида Саидмуродва баъд аз фирори писараш Дилшод ба Русия аз ҷониби Раёсати мубориза бо ҷиноятҳои созмонёфтаи Вазорати корҳои дохилаи кишвар бо иттиҳоми овбошӣ боздошт шуда буд.
Дилшод Саидмуродов машҳур ба “Дилшоди СБ”, ки он замон ба қатли Шӯҳрат Исматуллоев, муовини аввали раиси “Ориёнбонк”, ки раҳбараш Ҳасан Асадуллозода, додарарӯси президенти Тоҷикистон аст, мутуҳам мешуд, ба Русия фарор карда буд. Ӯ баъд аз якмоҳи боздошти модараш дар Росия дастгир ва ба Тоҷикистон истидод шуд. Додгоҳ вайро дар қатли Шӯҳрат Исматуллоев, муовини аввали раиси “Ориёнбонк” кунаҳкор дониста, ба ҳукми абад маҳкум кард.
