33.9 C
Dushanbe

Баррасии ҳамкориҳои Тоҷикистон ва Бонки миллии Швейтсария

Тоҷикистон бо зиёд кардани содироти тилло ба Суис (Швейтсария) мехоҳад ҳамкориҳои худро бо ин кишвар зиёдтар кунад.

Бино ба иттилои расмӣ, 19-уми августи соли 2024, Шараф Шерализода, намояндаи доимии Ҷумҳурии Тоҷикистон дар назди Шуъбаи Созмони Милали Муттаҳид (СММ) ва дигар ташкилотҳои байналмилалӣ дар Женева бо Томас Йордан, раиси Бонки миллии Швейтсария мулоқот кард.

Ба қавли манбаъ, дар рафти ин мулоқот, ки дар шаҳри Зурихи Суис баргузор шуд, “ҷонибҳо тақвияти ҳамкориҳои бонкиро байни Ҷумҳурии Тоҷикистон ва Швейтсария мавриди баррасӣ қарор доданд.”

Гуфта мешавад, дар ду даҳсолаи ахир Ҳукумати Тоҷикистон ҳамкориҳои худро бо бонкҳои Суис беш аз пеш зиёдтар кардааст. Дар нимсолаи аввали ҷорӣ ҳам Тоҷикистон ҳаҷми содироти тилло ва дигар металҳои қиматбаҳои худ ба Суисро 135,2 маротиба зиёдтар намудааст. Дар ин давра Суис ҳам ба содиркунандаи асосии тиллову нуқра ва дигар металҳои ранга ва гаронарзиши Тоҷикистон табдил шудааст.

Зурих яке аз шаҳрҳои номдори Суис аст. Ин шаҳр маконҳои зиёди торихӣ ва зебоманзаре ҳам дорад, солона садҳо ҳазор нафар аз сайёҳони дунёро ба худ ҷалб мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.