Вазорати корҳои хориҷаи Тоҷикистон хабар дод, ки аз ин ба баъд ҳар ҳафта 14 парвоз байни Тоҷикистону Русия анҷом мешавад. Инро Сироҷиддин Муҳриддин, вазири корҳои хориҷа дар нишатсти матбуотии имрӯзааш баён дошт.
Хабаргузории “Sputnik” аз қавли Вазир менависад, ки ҳавопаймоҳои Тоҷикистон минбаъд ҳамарӯза 2 парвоз самти Русия анҷом медиҳанд. Аммо зоҳиран аз таърихи оғози парвозҳо байни ин ду кишвар чизе гуфта нашудааст.
“Сар аз имрӯз, Тоҷикистон иҷозати амалӣ намудани 2 парвози ҳаррӯза самти Тоҷикистону Федератсияи Русияро гирифт. Минбаъд дар як ҳафта 14 парвоз амалӣ мешавад”, – изҳор доштааст Сироҷиддин Муҳриддин.
Мвриди зикр аст, ки Вазорати корҳои хориҷаи Тоҷикистон чанд рӯзи пеш аз мақомоти Русия хоста буд, ки парвозҳои ҳавоии байни ин ду кишвар барқарор карда шавад. Аз ин хабари вазри маълум мешавад, ки Русия ба дархости Тоҷикистон ҷавоби мусбат додааст.
