31.9 C
Dushanbe

Шиддат гиирфтани танишҳои лафзӣ байни Чину ИМА

Акс аз BBC

Бино ба навиштаи Хабаргузории ВВС рӯзи 22 сентябр дар ҷараёни нишасти Маҷмааи Умумии СММ дар Ню Йорк танишҳои лафзӣ байни Чину ИМА шиддат гирифтааст. Президенти ИМА Доналд Трамп Чинро дар бемасъулиятӣ ва мудирияти нодуруст дар баробари вируси корона айбдор кард.

Дар як видеои қаблан сабтшуда дар Маҷмааи Умумии СММ, президенти ИМА вируси коронаро “вируси чинӣ” номид ва дар баробари ин кишвар Созмони ҷаҳонии тандурустиро низ шадидан интиқод намуд.

Вай аз Созмони Милали Муттаҳид хост, ки ҳукумати Чинро барои шуюъи вируси COVID-19 ва вазъияте, ки ҷаҳон ба он гирифтор аст масъул бидонад ва ба ҷавобгарӣ бикашад.

Дар ҷавоб раисҷумҳури Чин Си Ҷинпин дар як паёми видеоӣ ҳама гуна кӯшиши “сиёсӣ кардан”-и паҳншавии вируси COVID-19-ро маҳкум кард ва аз хатари “бархӯрди тамаддунҳо” ҳушдор дод. Ӯ иттиҳомоти Трампро напазируфт ва гуфт, Чин дар баробари вируси корона бо ҳисси масъулияти баланд кор кардааст. Дар идома афзуд, ки кишвараш қасд надорад бо ҳеҷ кишвари дигаре вориди ҷанги сард бишавад.

Бино ба назари коршиносон амалкарди худи Доналд Трамп барои пешгирии каронавирус дар Амрико ҳамеша аз ҷониби шаҳрвандон ва ниҳодҳои амрикоӣ интиқод мешавад, вале ӯ, ки ҳоло дар арафаи интихоботи президентии ИМА қарор дорад, барои корнамоии худ пайваста Чинро дар масъалаи ин вирус айбдор мекунад ва мӯътақид аст, ки ин кишвар метавонист аз аввал пеши роҳи ин вируси оламгирро бигирад, вале хунукназарӣ кард. Чин ин ҳамлаҳоро рад мекунад ва онҳоро баҳсҳои ҷонибӣ ва муғризона медонад.

Омори қурбониёни ин вирус дар Иёлоти Муттаҳидаи Амрико ҳоло беш аз 200 000 нафарро ташкил медиҳад, ки баландтарин дар ҷаҳон аст ва худи Трамп хатари ин вирусрро борҳо кам мегирифт. Вай инчунин кӯшишҳои Чинро барои пешгирии вирус, вақте ки он дар Иёлоти Муттаҳида ҳанӯз паҳн нашуда буд, ситоиш мекард.

Аммо коршиносон сарчашмаи танишҳо байни ИМА ва Чинро на ба вируси корона, балки ба дигар масоил рабт медиҳанд. Ба назари онҳо сабаби асосии ин танишҳо масоили иқтисодӣ, аз ҷумла тиҷорат, фанновариҳо ва масъалаи Ҳонгконг ва инчунин бархӯрди Чин бо мусалмонони уйғур дар Шинҷон буда метавонад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.