Рӯзи 11 ноябри соли равон Икром Субҳонзода директори Агентии авиатсияи граждании Тоҷикистон ва Александр Нерадко муовини аввали вазири нақлиёти Русия зимни як нишаст ба шакли видеоконфронс масъалаи аз саргирии парвозҳои мустақим байни Русия ва Тоҷикистонро баррасӣ карданд.
Бино ба иттилои Хадамоти матбуоти Росавиатсия дар ин нишсат аз саргирии парвозҳои доимӣ байни Тоҷикистону Русия ва ҳамкориҳои судманд байни ду ниҳод, ҳамчунин парвозҳои содиротӣ байни ду кишвар мавриди баррасӣ қарор гирифтааст.
Вале дар мавриди аз саргирии парвозҳои доимӣ байни ин ду кишвар то ҳол номуаян боқӣ мондааст.
Дар идома гуфта шудааст, ки “бо назардошти вазъи эпидемиологӣ дар Русия ва Тоҷикистон машваратҳо дар мавриди шакли пурра аз сар гирифтани иртиботи авиатсионии дутарафа давом хоҳад ёфт”.
Парвозҳои мунтазам байни Тоҷикистону Русия аз 20 март баъд аз хуруҷи пандемияи коронавирус қатъ шуда буд, ки то ба имрӯз идома дорад. Тоҷикистон барои баргардонидани шаҳрвандонаш аз Русия чандин парвозҳои чатерӣ ташкил кард, ки ба гуфтаи мақомот беш аз 70 ҳазор шаҳрвандро ба кишвар баргардонидааст.
Русия бо кишварҳои Осиёи Марказӣ парвозҳои доимиашро барқарор кард, вале бо Тоҷикистон то ҳол парвозҳои доимияш барқарор нашудааст.
