Дар боздоштгоҳи муваққатии-1 шаҳри Бишкеки Қирғизистон се маҳбус ба нишони эътироз даҳони худро дӯхтанд. Дар ин бора хабаргузории “24.kg” аз кавли манобеи худ хабар дод.
Тибқи маълумоти пешакӣ, ин маҳбусон, ки дар боздоштгоҳи муваққатӣ нигоҳ дошта мешуданд ва тафтиши парвандаашон ҷараён дорад, алайҳи раҳбари тозатаъини боздоштгоҳи муваққатӣ эътироз кардаанд.
Ба иттилои хабаргузории “24. kg”, раиси Хадамоти давлатии иҷрои ҷазои ҷиноятии Қирғизистон Аскат Эгембердиев ҳозир нашудааст, иллати ҳодисаро шарҳ бидиҳад.
Ёдовар мешавем, ки собиқ роҳбари Боздоштгоҳи муваққатии-1-и шаҳри Бишкек Марса Юусупбеков, ки қаблан бо иттиҳоми суистифода аз мансаб гунаҳкор дониста ва ба муддати 4 сол дар калонияи ислоҳӣ маҳкум шуда буд, аз ҷониби Суди Олии Қирғизистон ҳукми ӯ бекор ва худи ӯро сафед ва ба кори худ барқарор карда шуд.
Пас аз дигарбора таъйин шудани Юсупбеков ҳамчун сардори Боздоштгоҳи муваққатии – 1 маҳбусон эътироз кардаанд ва аз муомилаи ӯ бо маҳбусон нигаронанд.
