Гурӯҳе аз олимон бо роҳбарии зистшиноси эволютсионӣ Ҷоэл Вертхайм аз Донишгоҳи Калифорнияи Сан-Диего таърихи пайдоиши сирояти коронавируси COVID-19 дар шаҳри Вуҳони Чинро ҳисоб кард.
Ба гуфтаи муаллифони таҳқиқот, пайдоиши ин вирус ба эҳтимоли зиёд аз он таърихе, ки гуфта шудааст, якчанд моҳ пештар интишори он шуруъ шудааст.
“Тибқи фарзияи расмӣ, аввалин ҳолатҳои сироят бо коронавируси нав дар охири моҳи декабри соли 2019 дар Вуҳон ба қайд гирифта шудааст. Аммо Sars-CoV-2 эҳтимолан якчанд ҳафта қабл ба одамон сироят карда. Ин фарзияро ҳоло таҳқиқоти нави гурӯҳи олимони амрикоӣ ба воқеият наздик меҳисобад, – менависад нашряи олмонии “Süddeutsche Zeitung”.
Дар ин таҳқиқоти худ донишмандон таҳлилҳои генетикӣ ва моделҳои компютериро дар мавриди паҳншавии вирус ҳамроҳ намуданд. Бино ба таҳқиқи ин гурӯҳи олимон, шаҳри Вуҳон, ки дар он 11 миллион нафар одамон зиндагӣ мекунанд, маконе набуд, ки вирус бори аввал аз ҳайвонот ба одам мунтақил шавад. Баръакс, эҳтимолан ҳолатҳои аввалини паҳншавии сироят чанд ҳафта баъд аз сироят ёфтан аз як намуд ба намуди дигар рух додааст.
Муаллифон менависанд, ки имкон дорад коронавирус аллакай дар вилояти Хубэй дар атрофи Вуҳон аз моҳӣ октябри соли 2019 паҳн шудааст. Аммо то он даме, ки интишори васеи он дар бозори Ҳуанан дар Вуҳон дар охири моҳи декабр ба амал наомад, расман мушоҳида нашудааст.
То он вақт, ҳолатҳои бемориҳои нави шуш дар одамон аллакай дар дигар нуқтаҳои шаҳр пайдо шуда буданд. Ин нишон медиҳад, ки вирус эҳтимолан хосташро барвақттар иваз карда, ба метрополия, аз афташ, дар ҳайвонот не, дар бадани инсон расидааст, менависад муаллифи мақола.
Эҳтимол дорад, ки патоген аз кӯршапаракҳо ба ҳайвоноти номаълуме воситашаванда дар деҳот гузашта бошад. Муаллиф пешниҳод мекунад, ки ҳайвоноте, ки аз ҷониби одамон ба таври оммавӣ парвариш карда мешаванд, воситаи интиқоли вирус аз манбаи аслияш мебошанд, ки вирус дар бадани онҳо мутатсияҳои заруриро ҷамъ овардааст.
