33.9 C
Dushanbe

Дар марзи Тоҷикистону Афғонистон тирпарронӣ шудааст

Бино ба маълумоти расман тасдиқнашуда дар Бадахшони Тоҷикистон аз ҷониби Афғонистон тирпаронӣ сурат гирифта, нуҳ тан аз шаҳрвандони Тоҷикистон захмӣ шудаанд, ки дар байнашон ноболиғон низ ҳастанд.

Як сокини Бадахшон дар суҳбат бо “Аздо тв” гуфт, шоҳроҳи Душанбе – Кӯлоб – Хоруғ давоми се рӯз мешавад, баста аст. Ва роҳ байни Дарвозу Ванҷ низ банд буд.

Тибқи гузориши манбаъ, “аз тарафи Афғонистон минтақаи марзии Тоҷикистон мавриди гулӯлаборон қарор гирифта, ҳудуди нӯҳ тан аз шаҳрвандони мулкии Тоҷикистон захмӣ шудаанд, ки дар байнашон афроди ноболиғ ҳам ҳастанд”.

Манбаъ афзуд: “Имрӯз бошад дар даромадгоҳи ноҳияи Ванҷ сангпораи калоне дар сари роҳи мошингард ғалтида даҳҳо мусофир ва худравҳои боркаш инак чанд рӯз дар байни оташу санг гир мондаанд”.

Аммо ин хабар то ҳол аз ҷониби ду кишвар расман шарҳ дода нашудааст. Ва сабабу омилони ин тирпаронӣ ҳанӯз маълум нест.

Тасдиқи хабар аз дигар манобеъ барои “Аздо тв” муяссар нашуд. Дар сурати дастрасӣ ба маълумоти тоза дар ин бора хабар такмил меёбад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.