Ирмрӯз 10 июн Президенти Узбекистон Шавкат Мирзиёев бо сафари расмӣ ба Тоҷикистон ташриф овард. Дафтари матбуоити Президент хабар дод, ки Мирзиёевро дар фурудгоҳи байналмиллалии Душанбе Президенти Тоҷикистон Эмомалӣ Раҳмон истиқбол кард.
Дар мулоқоте, ки дар фурудгоҳи байналмиллалии Душанбе сурат гирифт, Раҳмон изҳори умедворӣ карда, ки натиҷаҳои сафари расмӣ барои таҳкиму тавсеаи ҳамкорӣ, муносибатҳои дӯстӣ ва робитаҳои шарикии стратегии кишварҳо, мусоидат хоҳад кард.
Ба иттилои манбаъ, Президенти Ҷумҳурии Узбекистон аз фурудгоҳи байналмилалӣ ба Бӯстонсаройи Ҳукумати Тоҷикистон раҳсипор шудааст. Дар роҳ то Бӯстонсаро сокинони пойтахт аз Президенти ҳамсоякишвар истиқбол карданд.
Гуфта мешавад, ки Мирзиёевро сокинону донишҷӯён бо шиорҳо ва парчамҳои ду давлат, ки қаблан ба ин кор омодагӣ дида буданд, истиқбол гирифтанд.
Шавкат Мирзиёев Президенти Узбекистон барои ду рӯз (10 ва 11 июн) ба Тоҷикистон ташриф овардааст. Қарор аст дар ин сафари раисҷумҳури ҳамсоякишвар чандин созишномаҳо ба имзо бирасад. Аз ҷумла соддатар кардани сафар ва муҳлати будубоши шаҳрвандони ду кишвар дар қаламрави якдигар дар назар аст.
