Рӯзномаи “Миллат”-и Тоҷикистон ба Зоҳир Ағбар, софири ҳукумати собиқи Афғонистон ҳушдор дода, ки маҷбур насозед дар чунин вазъияте бигӯям, ки Зоҳир Ағбар ба хонаат баргард!
Ин рӯзнома дар пасманзари эълони баёнияи ҳукумати нави Афғонистон, ки чанд рӯзе пеш нашр шуд, вокуниш карда, менависад, ки он як тавтиаест барои аз саҳна дур кардани Аҳмад Масъуд ва шикастани Ҷабҳаи муқовимати миллӣ ва инчунин машруъияти бахшидан ба Толибон.
Ба навиштаи ин рӯзнома, ҳоло нақши ҳамоҳангсозии амалкардҳои ин гурӯҳро, ки баёнияи ҳукумати расмии Афғонистонро эълом карданд, сафири собиқ ҳукумати Афғонистон дар Тоҷикистон Зоҳир Ағбар ба уҳда дорад.
Дар матлаби нашр намудаи “Миллат” аз Бисмиллоҳ Муҳаммадӣ ва Фазл Аҳмади Маънавӣ ҳамчун кӯдатогар бар зидди Ҷабҳаи муқовимат ном бурда ва иддао карда, ки аз зикри номи бархе дигар худдорӣ меварзад.
Дар матлаб Зоҳир Ағбар ба он муттаҳам мешавад, ки як гурӯҳ аз мақомҳои баландпояи ҳукумати Ашраф Ғаниро, ки дар фурӯпошии артиши ин кишвар саҳм доранд, мизбонӣ мекунад.
“Онҳо дар таббонӣ бо Ҳанифи Атмар, вазири хориҷаи Ашраф Ғанӣ баёнияи ахирро содир кардаанд. Ҳадафашон ин аст, ки аз номи муқовимат бо роҳбарии Ашраф Ғанӣ бо толибон вориди муомила шаванд, ҳукуматро расман таслим кунанд ва бар ивази он аз Толибон имтиёз бигиранд.”, – омадааст дар матлаби рӯзномаи Миллат.
Ёдовар мешавем, ки ҷамъе аз шахсиятҳои саршинос дар ҳукумати қаблии президенти фирории Афғонистон Ашраф Ғанӣ бо судури эъломияе, ки 28-уми сентябр дар расонаҳо нашр шуд, аз барқарории давлати пешин, Ҷумуҳурии Исломии Афғонистон хабар доданд.
Ин Эъломия аз 18 банд иборат буда, срапарасти ҷумҳурии исломӣ муовини аввали раёсатиҷумҳури Афғонистон Амруллоҳ Солеҳ муаррифӣ шудааст.
