39.9 C
Dushanbe

Ҷорӣ шудани қоидаҳои нав барои муҳоҷирон дар Русия

Барои муҳоҷирони меҳнатӣ ва шаҳрвандони хориҷӣ дар Русия аз рӯзи 29-уми декабри соли равон қоидаҳои нав ҷорӣ мешавад.

Расм аз ТАСС

Акнун муҳоҷироне, ки барои иқомати беш аз 90-рӯза ба Русия мераванд, бояд ба мақомоти корҳои дохилии ин кишвар санади нашъаманд набудан ва бемории вич надоштанро пешниҳод намоянд.

Хабаргузории ТАСС дар шарҳи ин хабар гуфтааст, муҳоҷирон бояд ин санадро 30 рӯз қабл аз анҷоми муҳлаташ пешниҳод кунанд. Дар сурати 18-сола набудан ва ё аз ҷониби суд ғайри қобили амал эътироф шудани шаҳрванди хориҷӣ метавонад ҳуҷҷатҳоро яке аз волидон ё парастори ӯ пешниҳод намояд.

Ҳамчунин агар маълумотнома бо забони хориҷӣ бошад, он бояд ба забони русӣ тарҷума ва дурустии он бояд ба таври нотариалӣ тасдиқ карда шавад.

Ҷорӣ шудани талаботи нав дар ҳолест, ки раиси Бонки марказии Русия Элвира Набиуллина яке аз сабабҳои болоравии босуръати нархи маводи ғизоиро дар камбуди муҳоҷирони корӣ медонад. Дар ин бора раиси Бонки марказӣ дар суханронии худ дар Думаи давлатӣ изҳор дошта буд. Ӯ иброз дошт, ки нарасидани кадрҳо ба афзоиши музди меҳнат дар хоҷагии қишлок таъсир расонд.

Гуфтанист, дар Русия зиёда аз як миллион шаҳрванди Тоҷикистон кору иқомат мекунанд ва ҳанӯз дақиқ нест, ки талаботи нав барои онҳо чӣ мушкилиҳои навро пеш меорад.  

Хабарро таблиғ кунед:

БЕШТАР БИХОНЕД
БЕШТАР БИХОНЕД

Задухӯрди навбатӣ дар марз бо Афғонистон

Дар марзи Тоҷикистон бо Афғонистон боз ду қочоқбари афғон кушта ва даҳҳо кг маводи мухаддир мусодира шудааст. 

Фоҷеа: Модари ҷавон 4 фарзандашро ба дарё андохту кушт

Як зани 27-сола бо номи Мадина Ҳалимова, сокини ноҳияи Фархор, бо се духтар ва як писари хурдсолаш худро ба дарёи Сурхоб андохт, вале худаш аз марг наҷот ёфт.

Оташбаси 60-рӯза миёни Исроил ва ҲАМОС дар Ғазза

Доналд Трамп, раисҷумҳури Амрико рӯзи сешанбе эълом кард, ки Исроил тарҳи оташбасеро, ки Қатар пешниҳод кард, пазируфтааст.

Ҳузури 8 ҳазор зодаи Тоҷикистон дар ҷанги Русия бар зидди Украина

Беш аз 8 ҳазор зодаи Тоҷикистон дар сафи артиши Русия қарор гирифта, бар зидди Украина меҷанганд.