33.9 C
Dushanbe

Толибон: ДОИШ дигар ба Афғонистон таҳдид намекунад

Забиҳуллоҳи Муҷоҳид, сухангӯи Толибон имрӯз 10-декабр дар Кобул гуфт, ки ДОИШ дигар барои Афғонистон ҳамчун нерӯи таҳдидгар маҳсуб намешавад.

Ба гузориши шабакаи Телевизиони яки Афғонистон, сухангӯи Толибон гуфта, ки дар се моҳи гузашта беш аз 670 ҷангҷӯи гурӯҳи ДОИШ-ро дар нуқоти гуногуни кишвар боздошт кардаанд. Ӯ таъкид карда, ки ДОИШ дигар таҳдиде барои Афғонистон нест.

Ин суханони Забиҳуллоҳи Муҷоҳид дар ҳолест, ки худи ҳамин рӯз дар Кобул таркише рух дод, ки ба эҳтимоли зиёд амали террористӣ аст. Гуфта мешавад, бомб дар микроавтобус ҷогузорӣ шуда буд ва ба гузориши манобеи хабаргузории “Омоҷ” чанд нафар низ бар асари он ҷон бохтанд. Муълумоти расмӣ то ҳол нашр нашудааст.

Ҳамчунин давоми чанд моҳи ахир чандин таркишҳои мудҳиш дар дохили масҷидҳо ва ҷойҳои серодам дар шаҳрҳои Афғонистон рух дод, ки ҷони даҳҳо одамро рабуд ва масъулияти онҳоро ДОИШ бар уҳда гирифта буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.