Як зани паноҳҷӯи афғон, ки мехоста бо ду фарзанди ноболиғаш ғайриқонунӣ аз Эрон ба Туркия паноҳ барад, бар асари дармондан дар сармои шадид дар наздикии марзи Эрон бо Турикия ҷони худро аз даст дод.
Расонаҳои туркӣ хабар доданд, ки ин ҳодиса рӯзи шанбе 1-уми январи ба вуқуъ пайвастааст. Ва ин зани афғон бо ду кӯдаки 8 ва 9-солааш дар деҳаи марзии Балорус дар хоки Эрон ҷон бохтааст.
Аммо расонаҳои эронӣ ба нақл аз сокинони наздимарзӣ менависанд, ки кӯдакон бо пои пиёда дар масири деҳаи “Узоп” буданд ва ҷое паноҳ бурда буданд, ки аҳолии ин деҳа аз моҷаро огоҳ мешаванд ва бо роҳнамоии кӯдакон ҷасади модари онҳоро пайдо мекунанд.
Тасвирҳое, ки дар шабакаҳои иҷтимоӣ мунташир гашта, ба назар мерасад, ки ин модар барои пешгирӣ аз сармозадани кӯдаконаш ҷӯробҳои худро ба дасти кӯдакон пӯшонда ва пойҳои худро бо селафанҳо печонида аст ва кафше бар пой надорад ва дасту пойҳои кӯдакон низ аз сармои шадид варамидаанд.
مادری که قصد عبور از مرز ایران و ترکیه را داشت جوراب های خود را درآورد و دستان سرد فرزندانش پوشاند. مادر یخ زد و جان باخت و دست و پای بچه ها از سرما سوخت. جسد بی جان مادر در حالی که پاهایش در کیسه ای پیچیده شده بود پیدا شد.#مهاجرت #مادر pic.twitter.com/FF0LURxWWd
— Hiwa Molania III (@MolaniaHiwa) January 1, 2022
Пас аз ба сари қудрат омадани Толибон дар Афғонистон шумори паноҳҷӯёни афғонистонӣ, ба хусус убурҳои ғайриқонунии марзҳо аз ҷониби шаҳрвандони ин кишвар бамаротиб афзоиш ёфтааст.
Бино ба гузориши расонаҳо танҳо дар як моҳи гузашта дастикам чаҳор паноҳҷӯи афғонӣ бар асари яхзадагӣ дар минтақаҳои марзии Эрон бо Туркия ҷони худро аз даст додаанд.
