Иззат Амон, ҳомии шинохтаи ҳуқуқи муҳоҷирони тоҷик дар Русия аз Додситонии кулли Тоҷикистон хостааст, ки парвандаи ӯро бозбинӣ кунанд.
Ба иттилои Радиои Озодӣ, Муҳаммадюсуф Холов, писар Иззат Амон гуфтааст, ки ду маротиба дар зиндон бо падараш мулоқот карда, падараш хабар дода, ки барои бозбинии парвандааш ба Раёсати назорати маҳбасҳои Додситонии кулли Тоҷикистон ариза пешниҳод кардааст.
Ба иттилои манбаъ, Иззат Амон дар аризааш “масъалаи дубора баррасӣ намудани маблағи 232 сомонӣ аз шаҳрванди Тоҷикистон Ҷурабек Ҷобиров, сокини ноҳияи Ҷайҳунро (пешниҳод) кардааст. Ба қавли Муҳаммадюсуф Холов, вай бо падараш сӯҳбат намуд ва Иззат Амон гуфтааст, ҳалли ин масъала ба ҳукми додгоҳ таъсир хоҳад кард.”
Иззат Амон ҳомии шинохтаи ҳуқуқи муҳоҷирони тоҷик дар Русия баҳори соли 2021 бо баҳонаи риоя накардани қоидаҳои будубош ва аз роҳи ғайриқонунӣ ба даст овардани мақоми шаҳрвандии он кишвар аз Русия ба Тоҷикистон ихроҷ ва дар шаҳри Душанбе боздошт шуд.
Мақомоти Тоҷикистон сабаби боздошти ӯро қаллобӣ гуфта, алайҳи ӯ парванда сохтанд ва 19 октиябри соли 2021 бо ҳукми суд ба барои напардохтани 232 сомонӣ ба 9 соли зиндон маҳкум шуд.
