Тибқи хабари шабакаи телевизионии “ABC News” роҳбари нави Интерпол генерал Аҳмад Носир ар-Раисӣ ба шиканҷа ва бадрафторӣ бо маҳбусон дар Амороти Муттаҳидаи Араб муттаҳам мешавад.
Бино ба хабарҳо, ӯро Додситонии миллии зиддитеррористии Фаронса (PNAT) ба додгоҳ кашидан мехоҳад. Яке аз ҷабрдидагони Аҳмад Мансур аз тариқи Маркази ҳуқуқи башари Халиҷи Форс, як созмони ғайридавлатӣ алайҳи ар-Раисӣ ба додгоҳ шикоят бурд.
Бино ба гузоришҳо, раиси Интерпол дар Лиони Фаронса (дар он ҷо қароргоҳи Интерпол ҷойгир аст) қарор дорад, ки барои оғози мурофиа дар Фаронса кофист. Ба гуфтаи ҳомиёни ҳуқуқи башар, ҳукумати Фаронса бояд фавран тафтишотро оғоз кунад.
Ба гузориши телевизиони ABC News, Маркази ҳуқуқи башари Халиҷи Форс қаблан алайҳи ар-Раисӣ шикоят бурда буд, аммо шикоят рад карда шуд, чун он вақт ар-Раисӣ дар қаламрави Фаронса иқомат надошт.