Додситонии кулли Тоҷикистон 31-уми январ зимни нашри иттилоияе аз 20 сол маҳкум шудани шахсе, ки ба таҷовузи ҷияни ноболиғаш муттаҳам мешуд, Дар шарҳи қазия гуфта мешавад, ки 21 сентябри соли 2021 Саминов Нозимҷон, сокини дар шаҳри Ҳисор, ҷамоати деҳоти Ҳисор дар ҳолати мастӣ ба номуси ҷияни ноболиғаш дастдарозӣ кардааст. Духтар ба далели дар Русия дар муҳоҷирати меҳнатӣ қарор доштани падару модараш дар парастории амакаш Нозимҷон қарор доштааст. Бино ба иттилои манбаъ, Додгоҳи олии Тоҷикистон 13 январи соли 2022 Саминов Н.А.-ро бо моддаи 138 қисми 3 банди “а” КҶ Ҷумҳурии Тоҷикистон, гунаҳкор дониста, ӯро ба муҳлати 20 сол аз озодӣ маҳрум кард. Номбурда муҳлати ҷазоро дар колонияии ислоҳии дорои низомаш сахт мегузаронад. Таҷовуз ба номуси ноболиғон солҳои ахир дар Тоҷикистон бештар ба назар мерасад. Дар пайи бештар шудани чунин кирдорҳои номатлуб ҷомеаи шаҳрвандии тоҷик ва фаъолони шабакаҳои иҷтимоӣ ба хашм омада, аз Раисҷумҳур ва намояндагони Парлумони кишвар сахттар кардани ҷазоро барои омилони чунин ҷиноят талаб карданд. Пас аз дархости ҷомеаи шаҳрвандии Тоҷикистон Шӯрои Маҷлиси намояндагони Тоҷикистон аввали соли гузашта аз омода шудани тарҳе хабар дод, ки гумонбарон ба таҷовузи ноболиғон аз ҳаққи падару модарӣ маҳрум карда мешаванд.
20 соли зиндон ба шахсе, ки ҷияни ноболиғашро таҷовуз кард
