Сафари хапу хомӯшонаи Эмомалӣ Раҳмон ба Панҷакент

Бо вуҷуди он, ки шаҳрдории Панҷакент низ дар бораи сафари қарибулвуқӯи Эмомалӣ Раҳмон ба ин минтақа ҳеч иттилое надода, ҳунарманди шинохтаи кишвар Афзалшо Шодӣ, ба расонаҳо гуфтааст, ки исми ӯро аз феҳристи касоне, ки дар ҷараёни сафари Эмомалӣ Раҳмон ба Панҷакент баромад мекунанд, ҳазф кардаанд.

Гуфта мешавад, сафари Президенти кишвар ба шаҳри Панҷакент дар ҳоле хапу хомӯш сурат мегирад, ки ҳамлаи Русия ба Украина аксари кишварҳои ҷаҳон, аз он ҷумла Тоҷикистонро аз бекор мондани қисме аз муҳоҷирон ва камбуди маводи ғизоӣ, ба хусус орду гандум дар кишвар нигарон кардааст.

Аз сӯи дигар ба назар мерасад “эътирофот”-и ахири кишварҳои ҳамсояи Афғонистон ба ҳукумати Толибон ва ҳузури сафирони Аморати исломӣ дар Маскаву Пекин ва Исломободу Ишқобод, инчунин изҳори “муҳаббат”-и Теҳрону Тошканд ба Толибон маънои онро дошта, ки онҳо ҳама Тоҷикистонро дар муқобили Аморати исломӣ танҳо гузоштанд ва Эмомалӣ Раҳмон сахт нороҳат шуда, ҳатто дигар намехоҳад пешопеш барномаҳои сафарии худ ба шаҳру навоҳии кишварро бо мардум шарик бисозад.

Амруллоҳи НИЗОМ, махсус барои Аздо тв