Президенти Тоҷикистон бо судури ду фармони алоҳида ду судяро барои анҷоми кирдорҳое, ки “шаъну эътибори судяро паст мезанад” аз кор озод кард.
6-уми июли соли 2022, Эмомалӣ Раҳмон, Президенти Тоҷикистон бо судури ду фармони алоҳидае ду тан аз судяҳои ноҳияи Бобоҷон Ғафуров ва Суди иқтисодии Вилояти Мухтори Кӯҳистони Бадахшонро аз кор озод кард.
Бар асоси ин ду фармон Президенти Тоҷикистон Сайдаҳмадзода Рустам Сайдаҳмадро аз вазифаи судяи суди ноҳияи Бобоҷон Ғафурови вилояти Суғд ва Носирӣ Ҷамшедро ҳам аз вазифаи судяи Суди иқтисодии Вилояти Мухтори Кӯҳистони Бадахшон “бинобар содир намудани кирдоре, ки шаъну эътибори судяро паст мезанад” аз кор озод кардааст.
Гуфта мешавад, дар оғози моҳи гузашта Эмомалӣ Раҳмон бархе судяҳоро бидуни эълони айб тибқи моддаи 69-и Сарқонуни Тоҷикистон ва “бинобар содир намудани кирдоре, ки шаъну эътибори судяро паст мезанад”, гуфта аз кор озод карда буд.