25.9 C
Dushanbe

Афзоиши ҳолатҳои қаллобӣ дар Тоҷикистон

Вазорати корҳои дохилаи Тоҷикистон рӯзи 30-уми майи соли ҷорӣ аз боздошти нафаре хабар дод, ки дар қаллобӣ ва азхудкунии пулҳои мардум бо роҳи фиреб муттаҳам мешавад.

Бино ба иттилои ВКД, як марди 27-солаи сокини шаҳри Душанбе танҳо дар давоми як моҳ ду нафар – як мард ва як занро фиреб дода, аз яке, 95 ҳазор ва аз дигарӣ 117 ҳазор сомонӣ гирифта, дигар пули онҳоро барнагардонидааст.

Ин сокини пойтахт “моҳи ноябри соли 2022, бо роҳи фиреб ба боварии марди 52-солаи сокини шаҳри Душанбе даромада, аз ӯ 95 ҳазор сомонӣ гирифта, ваъда додааст, ки бар ивази маблағҳояш ба ӯ 1-адад автомашина оварда медиҳад, аммо номбурда ба ваъдааш наистода то ҳол ӯро фиреб дода гаштааст.
Инчунин, номбурда моҳи ноябри соли 2022, аз зани 45-солаи сокини шаҳри Душанбе 117 ҳазор сомонӣ гирифта, ваъда додааст, ки бар ивази маблағҳояш ба ӯ 1-адад автомашина оварда медиҳад, аммо номбурда ба ваъдааш наистода то ҳол ӯро фиреб дода гаштааст.”
, омадааст дар хабари ВКД.

Гуфта мешавад, ҳамчунин ин марди 27-сола бо ҳамин шакл ба боварии ҷавони 23-солаи сокини ноҳияи Кушониён даромада, аз ӯ 72 ҳазору 500 сомонӣ гирифта, ваъда додааст, ки ба ӯ мошини тамғаи “Тайота Кемри” оварда медиҳад, аммо то ҳол ӯро фиреб дода гаштааст.

Маркази матбуоти Вазорати корҳои дохилаи Тоҷикистон мегӯяд, ин марди 27-солаи сокини пойтахт, ки аз ӯ номбурда намешавад, дастгир шудааст ва дар ин робита ҳоло тафтишот идома дорад.

ВКД чанде пеш аз боздошти қаллобоне хабар дода буд, ки баъзе онҳо бо роҳи фиреб то ним миллион ва бархе ҳатто то беш аз як миллион сомонии мардумро азонихуд кардаанд, вале боз ҳам дида мешавад, ки сафи чунин одамфиребон кам нашудааст.

Ба гуфтаи огаҳони умур, мутаассифона, аксари қаллобон ва мардумфиребон пас аз боздошт бо роҳи додани ришва ва фасод ба зудӣ озод мешаванд ва боз ба кори худ идома медиҳанд, ки ин баёнгари даст доштани худи мақомот дар афзоиши сафи ин гуна инсонҳо аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.