16.9 C
Dushanbe

Агар масъулини кишвар вуҷуди мавҷи нави COVID-19-ро тасдиқ кунанд чӣ мешавад?

Хабаргузории “Азия-Плюс” дар пасманзари хабарҳои нашршуда дар мавриди шуруи мавҷи нави коронавирус дар Тоҷикистон аз беморхонаи “Якум Советский”-и шаҳри Душанбе гузорише нашр намудааст.

Дар гузориш гуфта мешавад, масъулони беморхона вуҷуди бемории COVID-19-ро тасдиқ ва ё рад намекунанд, аммо наздикони беморон мегӯянд, беморони онҳо дар шӯъбаҳои эҳё ва шӯъбаи бемориҳои сироятӣ рӯзҳост бистариянд, пизишкон бемории онҳоро илтиҳоби шуш мегӯянд.

“Дар назди шуъбаи бемориҳои сироятӣ ва шуъбаи эҳёи Маркази тиббии шаҳрии №1 мардуми зиёде ҷамъ омада, интизори шифоёбии наздиконашон ҳастанд. Чанд нафар зимни суҳбат бо мо тасдиқ карданд, ки наздиконашон дар шуъбаи бемориҳои сироятӣ ва эҳёи беморхона бо бемориҳои монанд ба коронавирус дар ин беморхона бистарӣ ҳастанд. Духтурон ба онҳо гуфтанд, ки ҷои нигаронӣ нест, ҳамаи наздикони онҳо бемориҳои илтиҳоби шуш, пневмания ва ё бемориҳои дигари мавсимии шуш доранд”, омадааст дар гузориш.

Хабаргузорӣ натиҷаи мусбати ташхиси COVID-1-и яке аз корбаронро, ки 7 июн аз ташхис гузаштааст, нашр кард. Дар он дида мешавад, озмоишгоҳи хусусии “Диамед” дар ташхисаш вуҷуди ин бемориро тасдиқ кардааст.

Зикр мешавад, ки чанд нафар ба “Азия плюс” натиҷаи мусбати ташхиси назиконашонро равон карда, гуфтанд, ки чанде аз дӯстону наздикони онҳо ба коронавирус гирифтор шудаанд.

Пештар як манбаъ дар озмоишгоҳи хусусии “Диамед” гуфта буд, ки “8 июн танҳо дар Душанбе коронавирус ҳангоми санҷиши тақрибан 100 нафар ошкор карда шуд”. Вале Вазорати тандурустии кишвар вуҷуди ин бемориро мисли соли гузашта бо қотеъият рад мекунад.

Ин ҳам дар ҳолест, ки масъулони бахши беҳдошти давлати Имороти Муттаҳидаи Арабӣ рӯзи 14 июн кишварҳои дар “рӯйхати сабз”-бударо бознигарӣ карда, аз он чанд кишвар, аз ҷумла Тоҷикистонро, ки қаблан дар ин рӯйхат буд, берун карданд.

“Рӯйхати сабз” номгӯи кишварҳоест, ки ҳукумати Абузабӣ аз нигоҳи вазъи бехатарии паҳншавии бемории COVID-19 ба он ворид мекунад. Ва мусофироне, ки аз ин кишварҳои барои саёҳат ба Дубай ё Абузабӣ сафар мекунанд, онҳоро 14 рӯз қарнтина (худинзиво) намекунанд.

Бо вуҷуди ин ҳама Ҳукумати Тоҷикистон вуҷуди авҷ гирифтани бемории ҳамагирро рад мекунанд. Маълум нест, ки Ҳукумат чаро вуҷуди онро рад мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сарвати пурасрор: Ҳамсари сарвазири Тоҷикистон дар Дубай қасрҳои боҳашамат харидааст

Сарвазири Тоҷикистон ва ҳамсараш ба суолҳо дар бораи он ки чӣ гуна тавонистааст дар кишвари худ ва Имороти Муттаҳидаи Арабӣ соҳиби амволи ғайриманқул шавад, посух надод.

Вазъи муҳоҷирони тоҷик дар Русия беҳтар мешавад?

Владимир Колоколтсев, вазири корҳои дохилии Русия дар пасманзари ҳодисаи хунин дар "Крокус" ба Тоҷикистон омад.

Баррасии масоили иқтисодии Тоҷикистону Туркия

Нишасти навбатии Комиссияи муштараки иқтисодии Тоҷикистон ва Туркия бо ҳузури намояндаҳои ду кишвар баргузор шуд.

Афзоиши шумори Қурбониёни ҳамлаҳои Исроил дар Ғазза

Субҳи рӯзи 28-уми май нерӯҳои исроилӣ урдугоҳҳои оварагон дар қисмати ғарбии шаҳри Рафаҳро ба шиддат бомборон карданд, ки дар натиҷа 16 нафар кушта ва даҳҳо каси дигар маҷруҳ шудаст.