32.9 C
Dushanbe

Аввалин ҳиндитабор сарвазири Бритониё шуд

Дар интихобот барои раёсати Ҳизби муҳофизакорони Бритониё Риши Сунак, яке ҳиндитаборони ин кишвар раҳбари он интихоб шуд ва акнун ӯ аввалин шахси осиёитаборест, ки нахуствазири Бритониё мешавад.

Бо раҳбари Ҳизби муҳофизакорон интихоб шудани Риши Сунаки 42-сола, инак дар давоми камтар аз 4 моҳ ӯ нафари сеюм аст, ки нахуствазири Бритониё интихоб мешавад. Ва пеш аз ӯ Борис Ҷонсон ва Лиз Трасс аз мақоми нахуствазирии Бритониё истеъфо доданд.

Қарор аст шоҳи Бритониё Чарлзи III Риши Сунакро ба унвони унвони 57-умин нахуствазири ин кишвар баргузинад. Ва ӯ дар ин мақом ҷавонтарин нахуствазир дар таърихи муосири Бритониё дониста мешавад.

Гуфта мешавад, Риши Сунак аз падару модари ҳиндутабори муҳоҷир соли 1980 дар Бритониё ба дунё омадааст. Волидайни ӯ даҳаи шасти асри гузашта аз Шарқи Африқо, Киния ва Танзания ба Бритониё ҳиҷрат кардаанд.

Сунак бо дороии 730 миллион фунт стерлинг (беш аз 824 миллион доллари амрикоӣ) 222-умин сарватмандтарин шахси Бритониё маҳсуб мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.