20.9 C
Dushanbe

Борис Ҷонсон аз мақомаш истеъфо медиҳад

Нахуствазири Бритониё Борис Ҷонсон имрӯз 7-уми июли соли 2022 ба истеъфо меравад. Дар ин бора расонаҳои бритониёӣ хабар доданд.

Гуфта мешавад, Борис Ҷонсон розӣ шудааст, ки аз мақоми раҳбари Ҳизби муҳофизакор истеъфо диҳад, аммо то фасли тирамоҳ ҳамчун сарвазири Бритониё боқӣ мемонад.

Ба истеъфо рафтани Ҷонсон дар пасманзари истеъфои беш аз 50 узви ҳукумати Бритониё сурат мегирад. Ин ҳама вазирону аъзои ҳукумат бо ибрози нобоварӣ ба Борис Ҷонсон аз мақомҳои худ истеъфо доданд.

Надҳим Заҳавӣ, вазири молияи Бритониё, ки рӯзи 5-уми июл аз сӯи Борис Ҷонсон ба ин мақом таъйин шуда буд, субҳи 7-уми июл аз нахуствазир хостааст, ки истеъфо диҳад. Инчунин имрӯз, 7-уми июл вазири маорифи ин кишвар Мишел Дунлан, ки ду рӯз пеш ба ин вазифа таъйин шуда буд, аз мақомаш истеъфо дод. Пештар аз ин вазирони молия ва тандурустии ин кишвар низ истеъфо дода буданд.

Вазири дифоъ Бен Уоллес низ Ҷонсонро ба истеъфо даъват кард, аммо гуфт, ки худи ӯ барои ҳифзи амнияти миллӣ дар вазифааш боқӣ хоҳад монд.

Яке аз сабабҳои талаби ба истеъфо рафтани Ҷонсон ба интихоби Крис Пинчер, вакили Ҳизби муҳофизакор дар порлумон маҳсуб мешавад, ки ӯ ҳоло ба дастдарозӣ ба як мард муттаҳам аст.

Пештар аз ин Борис Ҷонсонро барои зиёфатҳои бешумор дар даври пандемияи коронавирус танқид карда, истеъфояшро талаб намуда буданд.

Тибқи назарсанҷиҳои YouGov, 60% бритониёҳо аз кори ҳукумат ва 71% шахсан аз кори Ҷонсон розӣ нестанд. Дар ин назарсанҷӣ гуфта мешавад, ки аксари аъзои Ҳизби муҳофизакор, ки Ҷонсон раҳбари он мебошад, истеъфои ӯро талаб доранд.

Бино ба иттилои BBC ва The Sun, Ҷонсон пас аз истеъфо то интихоботи раиси Ҳизби ҳокими муҳофизакор дар мақоми нахуствазир корро идома медиҳад. Интихоби раиси нави ин ҳизб пеш аз тирамоҳ ё дар аввалҳои ин фасл сурат мегирад.

Борис Ҷонсон моҳи ноябри соли 2019 аз Ҳизби муҳофизакори ин кишвар ба мақоми нахуствазири Бритониё интихоб шуда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Қирғизистон дар марзи бо Тоҷикистон симхор мекашад

Хадамоти сарҳадии Кумитаи давлатии амнияти миллии Қирғизистон эълон кард, ки корҳои муҳандисӣ дар марзи Тоқикистон-Қирғизистон дар вилояти Бодканд оғоз шудааст.

Тоҷикистониён дигар наметавонанд “визаи электронӣ”-и Арабистонро бигиранд

Ахиран Арабистони Саудӣ Тоҷикистон ва Узбекистонро аз феҳристи кишварҳои дорои шароити барномаи визаи сайёҳии электронии "eVisa" ҳазф кард.

Тамдиди муҳлати қонунигардонии будубоши муҳоҷирон дар Русия

Мақомоти Русия бо қабули фармони нав муҳлати қонунӣ кардани будубоши шаҳрвандони хориҷӣ ва бешаҳрвандӣ дар ин кишварро то 10-уми сентябри соли 2025 тамдид кард.

Дар чанд кишвари Аврупо барқ якбора қатъ шуд, сабаб чист?

Рӯзи 28-уми апрели соли ҷорӣ миллионҳо нафар дар Испания, Португалия, Андорра ва қисмате аз Фаронса бе нерӯи барқ монданд.