26.9 C
Dushanbe

Нахуствазири Бритониё пас аз 45 рӯзи корӣ аз мақомаш истеъфо дод

Ба иттилои расонаҳои Бритониё, Нахуствазири ин кишвар Лиз Трасс имрӯз, 20-уми октябр, пас аз 45 рӯзи нахуствазирӣ эълом дошта, ки аз мақомаш истеъфо медиҳад.

Гуфта мешавад, хонум Лиз ба шоҳи Бритониё Чарлзи III хабар дода, ки дар ин вазъияти феълӣ барояш идораи давлат душвор аст ва тасмим гирифта, ки аз мақомаш истеъфо диҳад.

Хонум Лиз имрӯз дар ҳузури хабарнигорон гуфт: “эътироф мекунам, ки дар вазъияти кунунӣ ман наметавонам ба он вазифаҳое, ки аз ҷониби Ҳизби муҳофизакорон муваззаф шудаам ва барои анҷоми онҳо интихобам кардаанд, аз уҳдааш бароям ва ба ин хотир истеъфо медиҳам”.

Ба гуфтаи коршиносон, интихоби Лиз Трасс ҳамчун Сарвазири Бритонё ба замоне рост омад, ки ин кишвар сахтарин шароити таваррум ва рукуди иқтисодиро дар 40 соли гузашта таҷриба мекунад.

Лиз Трасси 47-сола дар ҳоле аз мақоми нахуствазирии Бритониё истеъфо медиҳад, ки ҳанӯз ба ин мақом расидани ӯро ду моҳ ҳам нагузаштааст. Ӯ 5-уми сентябри соли ҷорӣ бо иттифоқи аксари орои Ҳизби муҳофизакорони Бритния раҳбари ҳукумати ин кишвар интихоб шуда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Хуршед Фозилов барои 7 сол равонаи зиндон шуд

Додгоҳи шаҳри Панҷакент рӯзноманигори боздоштшудаи тоҷик Хуршед Фозиловро барои 7 сол равонаи зиндон кард.

Мақомоти Русия шаҳрвандони тоҷикро бо ваъдаи пул ба ҷанг даъват мекунанд

Муҳоҷирони кории тоҷики муқими Русия мегӯянд, мақомоти ин кишвар бо роҳҳои гуногун барои онҳо даъватнома фиристода, бо ваъдаҳои зиёди пулӣ онҳоро барои ҷанг ба Украина ҷалб мекунанд.

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.