Аз ин ба баъд талоқ бо паёмак ҷиноят маҳсуб мешавад

Намояндагони Парлумони Тоҷикистон тарҳи қонунеро пешниҳод кардаанд, ки ҳар нафаре ҳамсарашро тариқи паёмаки телефонӣ талоқ медиҳад, муҷозот карда шавад.

Гуфта мешавад, дар сурати ба тасвиб расидани ин қонун мардоне, ки ҳамсарони худро тариқи паёмак ё (СМС) талоқ медиҳад аз 3 то 5 сол равонаи зиндон мешавад. Дар ин бора Радиои Озодӣ аз як манбаъаш дар парлумони Тоҷикистон иттилоъ медиҳад.

Аз руйи маълумоти интишор гардида, тайи чанд соли охир шумораи талоқ тариқи паёмак хело зиёд гардидааст. Дар соли 2019 дар Тоҷикистон 12 ҳазору 500 мавриди талоқ сабт гардида, ки нисбати соли 2018 ду ҳазору 500 ҳолат бештар будааст.

Шӯрои уламои исломии Тоҷикистон аз ин қонун ҷонибдорӣ намуда, гуфта, ки ҳамасола беш аз 100 мавриди ҷанҷол бар сари талоқҳои паёмакиро мавриди баррасӣ қарор медиҳанд.

Тақдимкунандагони ин тарҳ бар ин назаранд, ки теъдоде аз шаҳрвандони ин кишвар пас аз рафтан ба Русия барои кор бо ирсоли паёмак талоқи ҳамсаронашонро эълон мекунанд, ки сабаби афзоиши мушкилоти иҷтмоӣ мегардад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.