23.2 C
Dushanbe

Ба зарардидагони сел Ҳукумат кумак кард ё созмонҳои хайриявӣ?

Бино ба иттилои Кумитаи ҳолатҳои фавқулодда ва мудофаи граждании Тоҷикистон, созмонҳои хайриявӣ ва байналмилалӣ ба зарардагони сел дар кишвар кумак карданд.

Кумитаи КҲФ хабар дод, ки “бо дастгирии Агентии Оғохон оид ба Муҳити зист, Барномаи ҷаҳонии озуқаи СММ дар Ҷумҳурии Тоҷикистон, Хазинаи кӯдакони СММ дар кишвари мо ва созмони ҷамъиятии “Дили хайрхох” ба аҳолии шаҳру навоҳии ҷумҳурӣ, ки аз офати табиӣ зарар дидаанд, сари вакт кӯмак расонида шуд.

Гуфта мешавад, давоми ҳафтаи гузашта ин созмонҳои байналмилалӣ ва хайриявӣ ба 446 хонавода дар ҷамоати деҳоти шаҳри Ваҳдат ва 90 хонавода дар ҷамоати деҳоти ноҳияи Рӯдакӣ, ки аз сели рӯзҳои 27-28 августи соли 2023 зарар дидаанд, маводи ғизоӣ, маводи ниёзи аввалия, кӯрпаву бистари хоб, бастаҳои беҳдоштӣ, зарфҳои нигоҳдории об, лавҳаҳои поксозии оби ошомиданӣ ва ғайра кумак кардаанд. 

Ин дар ҳолест, ки аксари сокинон дар рӯзҳои аввали ҳодиса шикоят мекарданд, ки мақомоти давлатӣ ба онҳо ба ҷуз об, ки он ҳам аз ҷониби шахсони хайрхоҳ расонида шуда буд, чизе кумак накардааст. Онҳо ҳамчунин аз набуди обу барқ, таҷҳизоти техникӣ ва дигар васоили муҳим барои бартараф кардани паёмадҳои сел шикоят карда буданд.

Аммо дар ахбори телевизионҳои давлатӣ кумаки худи сокинон ба якдигарро ташаббуси мақомоти маҳаллӣ унвон мекарданд.

Як манбаи огоҳ аз вазъият бидуни зикри номаш рӯзи душанбе ба Azda tv гуфт, ки мақомоти маҳаллӣ дар шаҳри Ваҳдат намегӯянд, ки кумакҳо аз дигар созмонҳост, баракс мардумро ба шукргузорӣ аз “Пешво” маҷбур доранд ва ин ҳамаро аз “сиёсати хирадмандона” ва “лутфу марҳамти ӯ нисбати мардум” талаққӣ мекунанд.

Яке аз созмонҳои кумакрасоне, ки ба осебдидагони сели рӯзҳои 27 ва 28-уми август дар шаҳри Ваҳдат ва ноҳияи Рӯдакӣ кумак расондааст, ин Агентии Оқхон оид ба Муҳити зист мебошад. Кумакрасонии ин созмон дар ҳолест, ки мақомоти кишвар алайҳи ниҳодҳои марбут ба Оқохон мубориза эълон карда, ахиран чанд муассисаиҳои таълимии онро давлатӣ эълон карданд.

Ёдовар мешавем, ки шаби 27-ум ва субҳи 28-уми августи соли ҷорӣ дар пайи боришоти сахт дар чандин шаҳру ноҳияи кишвар сел ба вуҷуд омад. Аз ҳама бештар сел ба сокинони шаҳри Ваҳдат ва ноҳияҳои Варзоб ва Рӯдакӣ зарар расонд. Тибқи иттилои расмӣ, дар пайи ин селҳо дар ноҳияҳои мазкур 21 нафар ба ҳалокат расида, садҳо хонаи дигар зарари ҷиддӣ диданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.